[align=center]صباح الورد

في البدايه احب ابدي اعجابي الشديد بهذا المنتدى الرائع

واحب اقول اني اول مره ادخل منتدى واشوف الاعضاء اللي فيه متحابين ومتعاونين لهدرجه

ماشاءالله عساني ماحسدكم بس ههههههههه



مممممممممم

بقولكم سالفتي وان شاءالله انكم تستفيدون

انا الله يسلمكم ، شفت موضوع في منتدى منزله واحد من التجار ، يطلب فيه مندوبه

راسلته على الخاص واتضح ان عنده بوتيك ويبيع جلابيات كويتيه وحاب اني اصرفم ويعطيني نسبه

ونسبتي كانت الله يسلمكم 20% واسعار الجلابيات كانت من 300 الى 500 ريال قطري

المهم خذ رقمي وكانت بينا مسجات وتفاهمنا على كل شي ، ورحت البوتيك ماله

واخترت اللي يعجبني من الجلابيات وحطيتهم بشنطة سفر << لحد يضحك

ورديت البيت وعرضتهم بالبدايه على خواتي وماشاءالله بنفس اليوم بعت جلابيتين الوحده ب400 ريال

يعني خلال يوم واحد بعت بمبلغ 800 ريال << قولوا ماشاءالله

المهم .. طرشت مسج للرجال وقلت له لك عندي 800 ريال ، ماصدقني قام اتصل فيني

ههههههههه قال ماشاءالله عليك هذا بيوم واحد قلت ايه

قلت له اصبر لين يوم الخميس جمعتنا كلنا خالاتي وبناتهم وحريم عيالهم

قال توكلي على الله ..

واخر الاسبوع بعت جلابيه ب400 ريال

بعدها صادني ظرف.. وقفت عن البيع والحين ناويه اكمل ان شاءالله



اتمنى تستفيدون من سالفتي
[/align]