المشاركة الأصلية كتبت بواسطة فتى نجد

حياك اخوي ..

ــ طلباتك اللي تدورها تلقاها في ( إمارة دبـــي ) وتحديداً في شارع نايف وهو مشهور ومعروف ولو تسئل أطرف هندي وراك اياه .
ــ بالنسبه للجمارك ما عندك مشكله نهائياً وبيمشونك بالراحه , وإذا بلاك الله بواحد علَه وقلق واستقعد لك أكثر شي ممكن يسويه معك ( بيمشيك ولكن بيخليك توقع على تعهد إنك ما عاد تكررها مره ثانيه إلا بسجل تجاري ) ولكن بالغالب يمشونك وما يدققون ... يعني الزبدة إتكل على الله ونفذ بس وعلى مسؤليتي .
ــ اهم شي احفظ فواتير المشتريات معك والجمارك ياخذون عليك ( 5 % ) من اجمالي مشترياتك , يعني الألف ريال فيها جمرك خمسين ريال , ولكن في الغالب ما راح يجمركونك وبيمشونك .

اكسسوارات الجوالات و الشاشات بتلقاها في شارع نايف , طبعاً فيه جمب شارع نايف فنادق مليانه وأفضلك أسكن فيها عشان توقف موترك ولا عاد تحركه إلا للسعودية , وتصير تخلص مشاويرك رجليه لأنك بتشوف بنفسك أزمة المواقف هناك والبهذله .

وموفق بإذن الله ,,