لا حول ولا قوة الا بالله
جزاها الله خير دولتنا ... تساعدنا

بس حسبي الله ونعم الوكيل على كل شخص ما يأدي الامانة ولا يوصل المساعدة
احنا برضو قدمنا على مساعدة وطلبنا بوتكاز .. في اول شهر رمضان
اصلا اول ما امي راحت وقالت لها عن الاثاث قالت بتنفخ لا مافي ما عندنا .. كأننا طلبنا منها .. الله يهديها ويصلحها
قالت الموظفة التانية جزاها الله خيرا إلا في اطلعي فوق وقدمي الاوراق
وقدمنا والى الان مافي شيء مع انها قالت بعد العيد يكون عندكم البوتكاز

ودحين امي سمعت عن المساعدة دي اللي مقدارها 8 الاف ... وعاد كالعادة معروف لو راحت امي تقدم بيقولو لها ما عندنا ومن فين سمعتي عنها وكالعادة .. مع انهم هما المفروض اللي يخبرو المستفيدين عن كل البرامج دي وكل المساعدات اللي يقدمها الضمان
انا بس استغرب ليه ما يحبوا الخير مع انهم مو منهم المساعدة ولا بيخسرو ولا ريال
سبحان الله ... فين حب الخير للغير =(

عموما بنتوكل على الله لان الارزاق بيد الله وحده
وبنقدم على دي المساعدة .. ولو حصل اي شيء والله ما بسكت وبشتكي ...