يااا جرحي استآذنك بنام لي ساعـﮧ ●●
و ارجوك داخل على الله لاتصحّيني ●●



لي خمسـﮧ ايام اعيش السّمع و الطّاعـﮧ ●●
و لك خمسـﮧ ايام تامرني و تنهيني ●●




و المشكلـﮧ جت عروق القلب فزّاعّـﮧ ●●
مااا يكفي انك سرقت النوم من عيني ●●




أصبحت أنا الغاز و انت امسيت ولاّعـﮧ ●●
شبيتني يلعن اهلك وش يطفّيني ●●




دكتور و ممرضـﮧ و إبره و سمّاعـﮧ ●●
في كل ليله ولايدرون وش فيني ●●




يااا سيدي الجرح قلبي يشتكي راعـﮧ ●●
لا الذنب ذنبي ولا الموضوع بيديني ●●




حبيت واخلصت و اثر الحب فقّاعـﮧ ●●
روّح و باقي يموتني و يحييني ●●




غيري هدر دم عشق و للأسف باعـﮧ ●●
غيري قتل كل حب بحد سكيّني ●●




و انا اللي اصبحت للأخطاء شمّاعـﮧ ●●
وادفع ثمن كل غلطه من محبيني ●●




قبلي في العشق ناس و تشكي اوجاعـﮧ ●●
قالوا متاهـﮧ و انا جيتـﮧ برجليني ●●




بدايته سلسلـﮧ و النّفس طمّاعـﮧ ●●
اغراني ادري ولا في شي يغريني ●●




و اليوم لو قلت يااااهل الحب و طباعـﮧ ●●
انتوا على دينكم و انا على ديني ●●




اجبرني الجرح اعيش السّمع و الطّاعـﮧ ●●
حتى ولو قلت له ياجرحي اعفيني ●●




من خمسة ايام و انا في رجا ساعـﮧ ●●
و ان جيت بنامها جرحي يصحّيني ●●

...