المشاركة الأصلية كتبت بواسطة فاطمة عبدالله

سلام عليكم
كيفكم يا بنات
أنا من يومين لفيت في الجوجل أدور عن مدرسة حدائق البيان لأن عندي مقابلة معاهم و كنت أبغى آخذ فكرة عنهم .. و إلين طحت عليكم
المهم مشكورين لكل اللي تكلموا عن هالمدراس أخذت فكرة بسيطة عنهم من خلال كلامكم الله يجزاكم خير
و كان موعد المقابلة اليوم الصباح و رحت
فحبيت أضيف لكم تجربتي يمكن أحد يستفيد منها و دعواتكم لي بالتوظيف


اتصلوا لي يوم الأربعاء بعد ما شفت إعلان في النت و رسلت لهم سيرتي الذاتية
كلمتني وحدة و قالت عندك مقابلة السبت الساعة 11
و رحت اليوم .. دخلت و كلمت اللي بالادارة أو الاستقبال .. أحسه نفس الشي لأن الإدارة بره في الاستقبال .. مكاتبهم مفتوحة و الوضع حلو
عطتني السكرتيرة ورقة أعبيها و لما خلصت قالت لي انتظري
و الساعة 11 و خمس جتني وحدة باكستانية أعتقد .. سلمت علي و جلست معاي بنفس المكان بره .. و عملت معاي المقابلة بالانجليزي
أنا حسيتها انعجبت بشخصيتي و كلامي .. و قالت لي بارفع أوراقش لكن احنا نبي خبرة .. و انتي ما عندك هالشي .. و بنكلمك بعدين

عموما الأسئلة كانت على هالنحو - و كلها بالانجليزي مع الاجابات طبعا-
حدثيني عن نفسك
شنهي الشهادات اللي عندك
سألتني عن شهادة المايكروستشن اللي عندي
و هل تفضلين التعليم أو وظيفة أخرى
و كيف تشوفين وظيفة المعلم
و إذا كنت ساكنة بالخبر أو لا
و إذا عندي خبرة بالتعليم

اعذروني لو حدث تقصير أو نسيان مني
دعواتكم