السلام عليكم ورحمة الله وبركاته ,,,
عاجل وضروري ياليت احد يساعدنا ,,
بدخل دوغري بالموضوع~~> مالي نفس ابسط 
السولافه الوالد جواله مقفل طافيه الأخت بطاريه واخوي الصغير الملقوف شحنها,,,
ودخل رمز الباين اكثر من مره لعل وعسى يفتح له يبي يرثع بالالعاب ,,,
المهم انتهت المحاولات وفصل دماغ الجوال يبي شفرته ,,
وبعدها خباه يبي يخفي جريمته حسنا فوق تحت ندوره وبعد مالقيناه الا الاخ ((الجوال))
ملقى صريعآآ حاولة اسوي له انعاش رئوي لكن باءت محاولاتي بالفشل 
وطلع له صوت خافت~~> صار نور ذا 
المهم ~~>يقول اسمعي
يارمز البايك والا اغسلي يدك اني ارجع لكم
~~> يبي الفكه ماينلام 
دورت بطاقة الوالد حقت رقم الجوال وماحصلناها آصلآ لها يمكن اكثر من سنتين ماشفنا رقعة وجهها 
وفرينا يمين يسار ومافيه أمل قسم احولت عيوني من الدوجان,,,
قلت اشيك ع منتدى البطاله مع اني والله مشغوووووله بالتحاضير والحوسه وربي كاني عايشة في مصنع اوراق ,,
قلت صعبه الوالد بكره يطلع بدون جوال واشوف لعل احد يساعدنا ويرجع جوال الوالد الى قيد الحياة ,,
وابشرو والله لأعلم عليكم قصدي /// لأقول للوالد يدعي لكم في وتره بعد شوي وباللي تبون بعد والله
شايل هم العله ذا
~~> ياشين الناس الملقف اللي تحشر نفسها
يلا يأخواني واخواتي اللي عنده طريقة لا يبخل علينا بها ,,,
ويبشر باللي يبيه ,,
وأسفه ع السالفه الممغوطه ,,
؟
؟
؟
؟