[align=center]
السلام عليكم ورحمة الله وبركاته
أنا اختبرت في الوظائف الكتابيه بعد صلاة المغرب مباشره وكل هذه المدة انتظر التفعيل
طقية الكشخه طبعاً الكشخه كانت من نوع الناس الثقيلين مطلق هدب الشماغ وراز هك الرزه اللي على كيفيك
اللي يشوفني يقول وش ذا الرجال لا يكون يبغى يتوسط لأحد من المختبرين وبالاصل هو اللي يبي يختبر خخخخ
دخلت عليهم قل واحد اجلس عند الكمبيوتر واكتب اسمك ومؤهلك كتبت بعدين قال انتظر تدخل على الشيخ انتظرت
قال تفضل قلت بسم الله دخلت عليهم قلت السلام عليكم ورحمة الله وبركاته ماحد يمي وظليت واقف وطالع في الشيخ قال تفضل استرح قلت بسم الله الرحمن الرحيم
قال الشيخ ممكن تعرفنا بسمك قالت فلان بن فلان بن فلان الفلاني
قال الشيخ متى ميلادك قلت في في في
قال رقم ملادك مميز هل هو صحيح قلت نعم حسب الوثائق الموجوده
قال وين عملت بعد ماتخرجت من الثانويه قلت ادرس في الجامعه متخرج الترم هذا قال ماشاء الله
طالع في صورة البطاقه قال منهو خطه هذا قلت خطي قال اجل خطاط قلت طبعا
قال خذ ورقه قالت بسم الله قال اكتب انا كان معي قلم خط حجم 1م قلت اكتب في قلمكم ولا بقلمي
قال اللي يعجبك والله وطلع القلم قال وقلم خطاط قلت ابي اثبت وجود على هذه الورقه لكم قال اكتب.............,,,,
والله ومسك الورقه قال اكتب اسمك كامل ويملي علي الايه واكتبها في ذاك الخط اللي يعجز عنه التعبير قل عطني الورقه ويطالع فيها قال كاتب العدل ياشيخ عطني الورقه ويجلس يطالع في الخط ماشاء الله تبارك الله
قال الشيخ توكل على الله
بصراحه الشيخ وكاتب العدل والموظف الثالث كانو طيبين جداً وغير متشددين
المكان حائل
اللجنه الاولى
يقول لي واحد من العيال ان عدد المرشحين على حائل عددهم150

والسلام ختام
[/align]