الكليه جدا حلوهـ ومستقبلها طيب باذن الله ..
لكن , النسبه المؤوزنه تقسيمها : 50 % تحصيلي , 30 % قدرات , 20 % ثانويه عامه ..
زي ماتشوفون نصف النسبه المؤوزنـه من التحصيلي ..

ودراسه الكليه انجليزي بشكل كامل .. وسنه تحضيرية طبعا , ..
وراح يدرس الطالب فيها جامعه متوسطه لمده ثلاثه سنين ونص شامله التحضيري ( دبلوم عالي ) ..
وبالامكان اكمال البكالوريس فيما بعد لكن له شروط وراح يكون تقديم يفتح لحاله ..
والدبلوم العالي مع البكالوريس ( خمسه سنين ونص تقريبا ) ..
من ضمن الشروط لاكمال البكالوريس المعدل يكون فوق 2,5 من 4 طبعا ..

ومكان الكلية في مدينه ينبع الصناعية في الهيئه الملكيه .. ( 360 كيلو تقريبا عن جده )

الله يعين ويارب ينقبل كل شخص يرغب بالكليه .. : (

وللمعلوميه الكلية نفس الجبيل الصناعية تقريبا ..
والجبيل الصناعية ايضا راح يفتح لها تقديم باذن الله للترم الثاني خلال الشهرين الجايه وغالبا بشهر صفر ..
والجبيل الصناعية بصراحه تتفوق على ينبع الصناعية بالخدمات المقدمه للطالب لااكثر ..
اما الشهادتين لهم نفس القوه ونفس المجالات الوظيفيه ايضا ..

وكلية ينبع الصناعية 3 سنين ونص تتخرج بـ مسمى فني .. ( دبلوم او الجامعه المتوسطه )
و 5 سنين ونص تتخرج بـ مسمى مهندس تقني .. ( في حال اكمال البكالوريس )

والكلية مشددهـ بالحضور والغياب والمعدل .. قبل بداية الترم الماضي طردت 150 طالب بسبب الغياب + هبوط المعدل ..
وايضا الكلية الدراسه فيها ممتعه .. وشهادتها قويه .. والوظائف في قطاع البترول .. وللمعلوميه اغلب طلاب الكليه من جده والمدينه ومكه والطائف ..

وبما انه عندي بعض المعلومات عن كلية ينبع الصناعية ..
اللي عنده استفسار يتفضل يسال وباذن الله ارد عليه واجاوبه على سواله ..

وان شاء الله انقبل بالترم هذا ..
داعوتكم تكفون ..


~> قدم الترم الاول وتم رفضه .. !

تحياتي