اقتباس:
المشاركة الأصلية كتبت بواسطة الهلآلي
اقووول سعووودي وبلموزين ولا شباب بعد ورربي مايطلعن معك الحرريم لو تأذن إلا من رحم ربي يعني من بين عشر حريم يبون مشوار تطلع معك وحده ولا عجوز بعد >>> بس انا ودي اعرف شيء واحد وش تحسبني ابي اسويلها يوم تشوفي شاب سعودي وتصد وتقول لا ما ابي خلاص وربي تحطيم واللي مو مصدق ينزل مكه ويشوف
موفق بإذن الله ... لك مني أجمل تحية .
|
لا يا اخوي غلطان في كلامك
صحيح السعودي ما يركبون معه الحرريم مثل ما قلت لكن لابد من سبب
اللي لاحظته على بعض الشباب اللي يسوقون الليموزينات < بعض الشباب
مظهره يخوف الحريم ياجلسته غير محترمه في المقعد
ياملابسه كنه طالع من هوشه
ياهو مزبط مظهره حيل ومسوي ***وه وبنطلون جنز واللحيه كنها فن تشكيلي والا مسويها متاهات
بالطبع الحرريم يخافون حتى لو هي متأكده انه ماراح يسوي لها شي ولو كان معها حريم
هي تفكر لو نظر لها زوجها او اخوها وهي جاية في تكس وشكله مثل ماقلت وش راح يكون التفكير فيها < تخيل انت الموقف
الأمر الثاني السعودي لو ركب معه حريم او غيره للأسف إلا من رحم ربي سواقها كلها تهور وسرعة مالها داعي
تخيل اهلك بسيارة سواقها مسرع وش تفكير الناس فيه وفي اللي معه
لذلك اخوي
لا بد على الشباب اللي يسوقون ليموزينات انهم يتقون الله ويعرفون انهم مؤتمنين على اعراض الناس
وللإشادة والحق فيه شباب الله يحفظهم ويرزقهم من فضله
امانه وخلق وادب واحترام لأعراض المسلمين وان شاء الله راح يتوفقون ويكسبون دنيا واخره
والله يكثر من امثالهم لأنهم بصراحة راح يرجعون الثقة في سعودة القطاع وانها خطوة ناجحة
وسامحني لو كان بكلامي شوية قسوة وتراني مااقصدها لشخصك
لكن عشان يطلع عليها الأخوان لعل الله يغير من حال البعض
لك تحية وللهلال تحية ولجميع اندية السعودية اللي تسحب من الميزانية على غير فائدة
لازلنا مستهلكين للبضائع الأجنبية 