[align=center]السلام عليكم و رحمة الله و بركاته

كيف الحال يا شباب ؟؟ انشاء الله مرتاحين ...

طبعاّ في البدايه .. أقول :-

(( اللهم لك الحمد حتى ترضى ولك الحمد اذا رضيت و لك الحمد بعد الرضا ))

الحمد الله خلصنا الـ 45 يوم بخير و صحه و سلامه و عافيه .. و الأمور كلها طيبه و على ما يرام

طبعاّ اكيد متحمسين تبون تعرفون الأخبار و وش صار معنا و كيف التدريبات و كيف أمور الدورهـ ووو ....

لكن ابشروا انشاء الله اني ما راح اقصر معكم بالأخبار ..

طبعاّ في البدايه :-

اول اسبوعين كان الجدول ( كرف X كرف ) .. اربع حصص لياقه .. ثلاث حصص مشاة

الأسبوع الثالث .. دخلنا التعليم .. بدينا ندرس من هالمواد .. و المواد سهله مرهـ و لله الحمد ( قراّن , ثقافه اسلاميه , و كم ماده عسكريه بسيطه ) .. و صارت حصه لياقه وحده .. و مشاة حصتين .. الين طلعنا من الـ 45 يوم

طبعاّ مشينا على هالجدول الين طلعنا زي ما قلت قبل .. و الحمد الله الأمور بخير و الدورهـ سهاله

طبعاّ كلمة حق تقال .. و الله ان المدربين و نعم فيهم و محترمين لأبعد درجه و يعاملوننا معاملة الأخوان و أكثر والله

مدربين المشاة ( باكستانين ) .. و التدريبات سهله و لله الحمد

طبعاّ عطونا بدل عسكريه تقريباّ بنهاية الأسبوع الثالث .. و الرواتب بالنسبه للي يسأل عنها الشهر الجاي تنزل على كلامهم

بشكل عام .. الدورهـ سهله للي بيسهلها على نفسه .. و صعبه للي بيستصعبها على نفسه ( بالنسبه للـ 45 يوم ) ..

و أهم شئ في مثل هالأمور ( الــصــبــر ) يا أخوان .. والله اللي بيصبر بيمشي .. و اللي مهب صابر .. بيقضب الباب

و الحمد الله الأمور زي ما قلت كلها تمام و بخير و لله الحمد

طبعاّ انا تكلمت بأختصار عن اللي حصل و صار معنا بالـ 45 يوم .. لكن لنا كلام و تكملة للحديث بعد نهاية الدورهـ بأذن الله

و فيه أمور و نصايح راح اكتبها لكم يا اخوان .. بس بعد نهاية الدورهـ انشاء الله

و أرجو منكم انكم تدعولنا بالتوفيق و ان الله ييسر علينا و نتخرج من هالدورهـ .. و يوفقكم أنتم بعد

.. و السلام خير ختام ..


[/align]