هلا اخوي


الله يكتب لك الي فيه الخير ان شـاء الله

ويرزقك من حيث لا تحتسب المشاريع كثيره وانـا اخـوك بعضها يحتاج راس مال وبعضها يحتاج راس مال قليل

وبعضها يكون لازم لها جرد يومي وبعضها مايحتاج لها جرد وتكون عارف وش الي راح تدفعه شهريآ

مشروع البقاله حلو على حسب راس مالك .. لكن مشكلته انك لازم تكون مراقب للبقاله بشكل يومي وتطلع

الفلوس الي حطيتها وتطلع المكسب وتطلع الـخ ... وانت خصوصآ موظف ومتاهل ماراح تكون فاضي لهـا

لكن بالنسبه لي انا مثلك افكر لي في مشـروع وانصحك في مشروع الملاعب الي بالايجـار .. تقول لي كيف انا اقولك كيف !؟

الملعب هذا طال عمرك تفرشه انجيله صناعيه وتختلف اسعارها بالمتر المربع تبدا من 35 ريال للمتر المربع وتوصل لـ 130 ريـال للمتر المربع ..

والشيء الثاني الشبك الي حول الملعب يكون ارتفاعه دبل ويكون شبك كله ، وهذا يعطي منظر للملعب

او يكون حاجز من بلوك وفوقه شبك ..

وبالنهايه الكشافات ..


هذا مشروع للحين جالس افكر فيه ومنزل فيه موضوع بامكانك تتابع هالموضوع وتستفيد منه

https://www.btalah.com/t247140.html

وصدقني تكلفته ماتتعدى الـ 80 الـف باذن اللـه اذا انت حاسبها صح ودارسها زيـن

ومكسبها اليومي يمكن يوصـل لك من 200 لـ 1000 ريـال يوميآ باذن الله

انت تابع موضوعي و ان شاء الله تستفيد