اقتباس:
المشاركة الأصلية كتبت بواسطة سعودي مرجوج
لآ اسمح لي انت مبالغ جدآ بالسعــر ..
ترا انا ما ابيه يكون ملعب معتمد من الرئاسه العامه لرعايه الشباب .!!
ملعب راس ماله انجيله + شبك حول الملعب او حاجز حتى من بلوك + الكشافات لا اكثر ولا اقل
وهذي كلها حسبتها الانجيله وحصلت السعر المناسب لها ..
بس الي استفسر منه اكثر شيء المساحه المطلوبه للملعب وانت تقول ملعب 11*11 اكثر الناس
من دراسه للملاعب يطلبون الي تكون 8*8 وفــوق هذا يصير فيها دوري بعـد
انت رايح فكرك بعيـــد جدآ ..
لكن علشان تعم الفائده اكثر سوائآ لي ولا لـ غيري من متابعين الموضوع ..
عطني تفاصيل دقيقه حتى يوصل السعر لـ 300 الف اذا تكرمت .. 
شاكر لك مرورك الي اسعدني وردك الجميـل .. |
طيب تصدق اني منقص في السعر عشان ما تنصدم خخخخ وترى الحسبة حسبة مشروع ملعب يعني فيه ايجااار اررض وفيه مباااني تبنى وخزانات تحفرر ماهو ملعب وبس وحسبتي ما كانت شاملة الكل يعني من غيررر الايجااار وبعدين التفاصيل الدقيقة والدراسات الجدوى تلقاها عند المكاتب الاستشارية وبفلوس ما هي تكتب في النت وانا ما شفت مساحتك ولا عرفت منك الأرض ايجار والا ملك يعني الدعوة كلها حسبه تقريبية ومن باب المساعدة في الخبرات ولكن بضرب لك مثال علشان تتضح عندك بعض الأمور:
1/المساحة حسب ما فهمت منك 1500 م وهذا شي جيد علما بأن اكثر الملاعب تقدر مساحتهم 1600م يعني ما تفرررق ، نجي نحسب تكلفة الانجيله متوسط سعر الانجيله الصناعية مع التركيب يتراوح بين 80 إلى 85 ريال نجي نحسبها 1500*85=127500 ريال هذا من غير بعض التكاليف تتحملها أنت ماني خبيرر فيها لكن أعتقد مثل الصبه وغيرره
2/السياج الحديدي عندك الطول 55*العررض35(زودت 5م في كل من الطول والعررض عشان تكون هناك مسافة ما بين الملعب والسياج الحديدي يعني موو معقوله بيجي الشبك موازي لخط المرمى وخط التماس يعني بلااه كيف الكوررة بتدخل قووول والا كيف اللاعبين بيرفعون كورنر خخخخخخخخخخ) نجي نحسب الأمتار (الطول+الطول+العرض+العرض*الارتفاع)55+55+35+35*3=54 0 * تكلفة السياج40 ريال=21600 ريال (يعني الملعب والسيااج حيكلفونك 150 ألف ريال) ونضيع الإناارة نقووول على الأقل 10 آلاف ريال بيصير المجموع 160 ألف ريال
3/ايجااار الأررض على الأقل 100ألف ريال واقسم بالله اني ما حصلت بالسعر هذا في الرياض طبعاً بتكون تجااارية ومساحتها ما تقل عن 2500 م وفي موقع عليه كثااافة عشاان النااس تجيك بكذا صااار المجموووع 160 ألف+100 ألف=260 ألف
4/طيب دورات المياه والبياره والخزااان والمباااني كم بيكلفونك ولازم سيولة تكون في يدك !!!!!!!!!!!!!!!
بالعررربي اذا ما في حسااابك نصف مليووون ما هو 300 ألف علشاان تدري اني حاولت ما اصدمك بالواااقع والا يمدحووون الزراعة الطبيعية ما راح يكلفك المشرووووع 50 الى 80 ألف كما تفضلت أما انجيله صناااعية ما أعتقد وترررى حسبتي ما هي دقيقة يعني التكلفة الحقيقية صدقني أكثررر منها بكثيررر لأني سئلت أحد المستثمررين في ملعب 8*8 انجيله صناعية يقول تكلفته 250 ألف وأنا حسبتي 160 ألف ريال اللي اقصده لا جا الجد بتختلف الأمور كثيررر وبتطلع عليك شغلات ما كانت على البال وترى رداً عليك يوم تقول الرئاسة العامة من باب الدعااابة تررى الحين لازم تاااخذ ترخيص من عندهم اختلف الوضع الااان.
،،، وكل التوفيق لك في طموحاتك وامانيك والعذر على التقصير ان وجد وتقبل تحياتي واحترامي،،،