المشاركة الأصلية كتبت بواسطة للفضاوة أحكام
مع ان السؤال مو موجه لي بس اسمح لي بتدخل وأجاوب من كثر ماعجبتني الفكرة..
اخوي اكيد يصير انك تقابل اي مسؤول إعلامي فيها صعوبة لكن مو مستحيل بس نصيحتي لك لا تقابل اي احد وتعرض الفكرة بدون ماتسجل حقوق الفكرة لك لأنهم عندهم الإمكانيات انهم يشغلون فكرتك ويطورونها بعد و وقتها ماتقدر تسوي اي شي ولا تقدر تثبت ملكيتك لها يعني بتكون جبت لهم فكرة تدخل ملايين ع البارد المستريح..
انا لو مكانك أول خطوة أسويها اني اخذ حقوق الملكية ( وهذي النقطة ببحث لك فيها ان عرفت كيف مارح أقصر معك، اللي اعرفه حاليا عندنا بالجامعه فيه مركز لبراءات الاختراع والملكية الفكرية أياً كان النشاط وهم سووا محاضرات وندوات منها عرفت عن شي اسمه الملكية الفكرية)
ثاني شي إذا بتقابل اي مسؤول وتشرح له عن فكرتك يُفضل انك تكون مجهزها مسبقا على شريط يشوفها اثناء المقابلة الشخصية كذا يسوون برا ..
ماتصدق قد ايش عجبتني الفكرة واتمنى تكمل وماتسمع لأي تحطيم أبد..
وربي يوفقك دوم..
|