بسم الله الرحمن الرحيم
السلام عليكم ورحمة الله وبركاته
انا قبل فترة رحت اقدم للمساعده المقطوعه والله احس انها ما لها وجود
تعبت وانا اروح لهم ويصرفوني
خاصة قسم النساء بجدة
اول مرة قالو تعالي على شهر 8 رحت وبعدين قالو خلاص تنزلكم على الحساب من غير اي تقديم ولا شي
تصريف واضح
سئلت هنا بالمنتدى وقالو لازم لها تقديم
كلمت المسؤوله في قسم النساء على رقم مكتبها هبت في تقول كيف عرفتي اسمي ومن انتي وانا مفجوعه قلتلها موجود في النت مو انتي المسؤوله عن الفرع النسائي في جدة قالت ايه قلت اشفيك يعني قالت لا ولا شي
المهم بعدين سئلتها عن المساعده المقطوعه قامت تقول لازم تقدمين بس مو عندنا عند قسم الرجال عشان البيانات تبعكم مو عندنا وووووو..
كلام غريب وتعقيد واضح
الله يخليكم اذا هذه المساعده المقطوعه موجودة واحد استلمها وبذات من جدة يفيدني لان والله ما اقدر اروح الا بعد ما اتأكد اش المطلوب أوهل لها وجود او لا
شـكرا لكم مني أجمل تحية .