اقتباس:
المشاركة الأصلية كتبت بواسطة آبوعبدالله
تبي نصيحه واحد يعتبرك اخوه
اذا انقبلت في الدفاع المدني نهائي توكل على الله وخل امن السفارات تروح
المهم من ذا الكلام تمسك وظيفه حكوميه
والافضل بكل شيء الدفاع المدني
ليه ؟
تقدر مع الوقت تنقل عند اهلك بديرتك لو تعينت بمكان ثاني
الدفاع المدني مافيه كرف وشد وحط يعني بالعربي الشباب عندنا يسمونه الدفاع المندي
ماغير ياكولون وراتب الجندي الي توه تعين 6400
يعني الدفاع المدني صراحه لو جات وضبطت لك فتراه حظك فيها
انت لاتفكر بالراتب الكثير لو امن السفارات راتبها كثير او شيء
انت فكر بالمستقبل احتمال تتعين برا المنطقه الي انت فيها
فيعني سنه سنتين راح تلاقي نقل في الديره الي انت فيها
ولاتنسى وراك زواج وبيت وتبي تكون قريب من اهلك وكذا
والله ترى انصحك في الدفاع المدني بحكم اني لي اقارب كثير موظفين بالقطاع هذا
وكانت النتيجه
تزوجوا
اشتروا السيارات الفخمه
فاتحين بيوت ( عماير )
ومبسوطين
لاكن اذا ماحالفك الحظ فالدفاع المدني لاتترك امن السفارات
بكل صراحه انا معرف هذا القطاع ومابغى افتيك فيك
ترى الكثير يتمنون وظيفه لو سائق بـ 2000 ريال
نصيحه لاتفوت اي وظيفه تجيك لان الفرصه وحده
وزي ماقلتلك لو توفرت لك الدفاع المدني هي الافضل بوجه نظري
|
هلابك ياصقيقي العزيز الف مبروووك والله يوفقك
الصراحه ما اقدر ازيد عن كلام ابو عبدالله كلامه في محله
وبالتوفيق للجميع