هههه\

مرة وانا جاي من تبوك وتحديدا بين ضباء والوجه واحد كان ماشي قدامي ويوم قربت منه انفقع كفره طالعت في سيارته لقيت معه 3 حريم وهو الرجال الوحيد \\

رجعت له وكان هالكلام قبل المغرب بنص ساعة وقال لي الرجال مامعي استبنة ولا عفريته قلت له ابفزع لك بس مو عشانك عشان الحريم الضعوف اللي معك

ويوم رفعت السيارة بالعفريته اللي معي انكسرت العفريته وطاحت السيارة

قلت له خلك هنا وانا راجعك لك

بيني وبين الوجه اقرب منطقة مأهولة 35 كيلو
واروح اشتري له عفريته جديدة ب150 ريال
واعطيه الاسبير حقي وقلت له توكل على الله قال انا رايح جدة في حي الجامعه قلت اذا وصلت هذا رقمي ورد لي الاستبنة والعفريته

قالي ابشر


وبعد يومين وصلت جدة ودقيت عليه قلت له انا فلان الفلاني وابي الاستبنة والعفريته قالي من انت ومن عطاك رقمي

الرجال جحدني وراح

قلت ترى حرام تاخذ ذنب في كفر وعفريته ترا سعرها مايوصل 300 ريال

قفل الخط في وجهي

والى الان ماشفته

والفزعة كانت للحريم اللي معه لا يجي الليل وهم في الخلا