اقتباس:
المشاركة الأصلية كتبت بواسطة KONE
السلام عليكم
حبيبي حاكم بيزنطة
ممكن تعطينا من خبرتك في الشراء من امريكا والبيع هنا؟
راس المال المطلوب+كيفية الشحن وقيمته+نوعية السيارات المرغوبه وغيرها مما تعرفه
شكرالكم عالموضوع
|
حياك الله ياتاج راسي \\
سبق اني درست موضوع الاستيراد من امريكا ...صديقي يدرس في ولاية وايومنج وهذي في وسط امريكا ...وهذا سبب رئيسي خلاني اجل موضوع الاستيراد لانها ولاية داخلية ويبي لي مصاريف شحن اضافية عشان اوصلها للساحل الشرقي \\
خلال كم شهر قادمة بينقل الى ولاية اظنها مشيجن وقريبة من الساحل الشرقي \
عزيزي
الاوراق النظامية ماعرفها \\
لكن
راس مال السيارة مايتعدى 8 الاف دولار والاسعار المعروضة في المواقع مبالغ فيها بقوة
المشكلة لما يكون راس مالك سيارة وحدة او ثنتين تحتاج فترة لاعادة تدوير راس مالك يعني فرضا
اشتريت سيارة وكلفتك 38 الف ريال
انت من يوم تدفع الفلوس الين تبيع السيارة ممكن توصل من شهرين ونص الى ثلاثة شهور
مكسبك في حدود 8 الى 13 الف
لو جيت تقسمها على 3 شهور يطلع لك من 2600 الى 4600 \
هذي ولا حق تعبك
لكن لما تجيب 5 سيارات مكسبك في السيارة الوحدة على اقل تقدير 8000 ريال*5سيارات= 40 الف تقسمها على 3 شهور =يطلع مسكبك الشهري 13000وشوية فوقها
بالنسبة للشحن ياخذ اسبوعين الى شهر ونص يكلف 1400 دولار في المتوسط
الجمرك 5 في المية ويعتبر مبلغ بسيط جدا
موديلات السنة لازم تدخل المختبر حق المواصفات والمقاييس
انت كبداية حاول تدخل هالمجال شوية شوية
يعني اول مرة لايهمك المكسب اهم شي يكون عندك شخص ثقة في امريكا وابعد عن المكاتب اللي تستورد لان ماوراهم مكسب ونصابين بقوووووووووة
اول مرة خذ سيارة ولا يهمك المكسب اهم شي انك تعرف وشلون طريقة التصريف
وبعد كذا تقدر تبني مشروعك بناء على معطيات وحاول تبعد عن الشراكة
صدقني فيه ناس عرضوا علي مكسب 20 في المية مقابل اني اجيب سيارات تحت اشرافي لكني رفضت ما ابي احط شي في ذمتي خل اول شي ابدا بفلوسي اذا جا شي مضروب اكله وانا ساكت
السيارات المرغوبة الفورد والماركيز بالدرجة الاولى بعدين جي ام سي والاكسبلورر السيارات غير الامريكية تلقاها غالية شوية
بالتوفيق لك