الدنيا الله يكفي شرها ما تخلي أحد في حاله أبد ، أوباما الدابة السليمة اللي لا تهش و لا تنش " رضوه " و في رواية " رنووه " ، يقول لكم الخبر إن أبو حسين كان يلعب سلة مع بعض الجحلط في البيت الأبيض و الظاهر إنه فيه واحد من هالحجلط كان متحمس شوي أو شويتين و أصاب الريس و الإصابة كانت في الشفة و احتاجت 12 غرزة ، مدري وش هالشفة اللي تاخذ كل هالغرز بس ما علينا ما نبي نتكلم في السياسة أنا متأكد إن أبو حسين لو هو داري إن فيه ثيران تبي تصيبه في هالملعب كان ما طلب منهم يضبطون هالملعب في البيت الأبيض و كان كل يوم يطق التكميلة و يروح يلعب مع الخوال في حارتهم أصرف له

عاد يقولون إن اللي لزخ أوباما بالكوع و شق شفايفه المخملية واحد(ن) يقال له ( راي ديسيرجيا ) و هو عضو كونجرس من أصل اسباني ، و الأسباني يعجبني الصراحة ما اعتذر و لا شيء بس يقول انه عرف إن أبو حسين منافس قوي