اقتباس:
المشاركة الأصلية كتبت بواسطة الغااامدي فهد
ياشباااب عيب عليكم ولا احد سجل وش صار معاه
انا مووعدي بكره وقبلي 3 ايام ولا فيه احد اعطنى خبر..
|
مراحب فهد ...
هذا ردود بعض اللي راحو للكشف ترى لهم موضوع لحال المهم بالتوفيق لك.
وين مكان الفحص اللي تبي تروح له..
هذي ردود الاعضاء..
المشاركة الأصلية كتبت بواسطة سعودي كويس
السلام عليكم ورحمة الله وبركاته
صبحكم \ مساكم الله بالخير:
ياشباب انا من الدفعة الي قبلكم بالمباحث لكن الله رزقني بوظيفة مدنية وتركتها المهم تروا المستشفى سهالة ولاأحد يشيل همه وانا ان شاء الله راح اكتب لكم ويش صار معنا بالتفصيل:
1ـ تدخل الحوش حق المستشفى ويجمعكم ابو علي ( المطوع) ويعطيكم محاضرة سريعة عن حسن التعامل مع الناس ويقول الي عدا في الطول والوزن بالمركز ان شاء الله مقبول. وياخذون منكم بطاقة الأحوال.
2ـ يقسمكم مجموعتين مجموعة تطلع الدور الثاني ومجموعة تبقى تحت على اساس تسوون الكشف في وقت واحد, يعني المجموعة الي تحت تسوي تحليل وأشعة والي فوق كشف طول ووزن واسنان ونظر.
3ـ تنزل المجموعة الي في الدور الثاني تحت والثانية تطلع فوق يكملوا بقية الفحص يعني الفحص كله , طول ووزن , وأسنان ( يركزو على الواجهة بس مالهم دخل بالأضراس الداخلية) , ونظر, وتحليل دم وبول ( أكرمكم الله) , وأشعة على الصدر .
4ـ بكذا تكون خلصت كشف طبي. تقريبا على الساعة 12 الظهر خلصنا ويقولون لكم تروحون على الأدلة الجنائية والي يخلص من البصمات يراجع المركز ثاني يوم حتى يكمل أوراقه.
5ـ وبعدها رحنا لمكان الأدلة الجنائية لعمل البصمات وخلصنا منها على الساعة 2.30 الظهر ( يعني أفطروا لأن الوقت طويييل).
ــــــ اليوم الثاني :
تروح للمركز وعند البوابة تسلم الجوال, وتتوجه للقاعة داخل المركز وبعدين فيه تحليل بول( أكرمكم الله) فحص السموم , ويكون بالمركز نفسه, وبعده يعطونكم أوراق تعبونها مع العسكري وبعدين تاخذون معكم أوراق الأحوال والدفتر الأصفر ( بيانات شخصية للطالب) وأوراق البنك , وبكذا تكونوا ياحلوين جاهزين للدورة طبعا الأوراق هذي تسلمها في مدة أسبوع أو اسبوعين بالكثير. وبعدها تنتظر اتصال تحديد موعد الدورة.
نصيحة الي يبي يدخل الدورة يسوي تمارين اطالة بدري قبل الدورة لأن عندهم كد من ثاني يوم والي ماعنده لياقة راح يتعب.
وبالتوفيق للجميع أتمنى أكون قدمت ولو شي قليل تستفيدوا منه وآسف على الإطالة
,,, ودي وأحترامي ,,,
وهذا رفحاوي يوم خلص الفحص وشرح لنا قصة حياته..
ما عليه على التاخيرر وربي اني تعباان والله اعلم بالحال...
المهم...
كلام اخووي( سعودي كويس) بضبط هذاا الي صار معنى بتفصيل الممل ..
ابي اقول الي صار معي ولا تنسوون تدعولي....
جيناا الساعه 7 على موعدهم وما دخلناا حوالي 7 ونص كذاا.. دخلوناا الحوش وقام ينادي بالاسماء يشوف من الي جاء من الي ما جاء .. ويرتبناا وبعدين واحد واحد على المختبرر تحليل دم وبول ( وانتم بكرامه) وبعدين يقول على الاشعه يقسمناا مجموعتين الي فوق يقسون طول وزن واسنان واذاا خلصو يسوون اشعه وكذاا.. تخلص تقريبآ الساعه 12 كذاا وبعدين يقلوون على مستشفى السديري المهم رحناا هناك يقلون فحص النظر والحنجره و اذان والانف المهم ينادون با الاسماء وتدخل عليهم طبعى دكتور العيون سعودي وفيه العسكري المطوع وعسكر اثنين ورجالين والله مدري وشو هم المهم تدخل تقول اسمك ويسالك وين حرف E وين اتجاه.. وبعدين لما تخلصون كل الطلبه يعني .. يجي دكتور الحنجره ودخلناا عليه بس تقول اسمك وتطلع.. متساهلين مررره .. وبعدين يقلون على الادله الجنائيه رحناا وبصمناا .. قالو تجون للمستوصف قوى الامن العصر الساعه 4...جينا العصر وقعدناا حوالي ساعه بالحوش يلعن خيرر خيرك ..
وبعدين ينادون بالاسماء طبع بترتيب . وتدخل على دكتور الباطنيه .. قبل ما تدخل يقولك شمرر يعني ارفع ثوبك و ارفع سرالك لحد ركبتك ويديك بعد لحد كوعك وتدخل على الدكتور تعطيه الاشعه..( طبعآ الاشعه من تصورهاا تاخذهاا انت ) المهم يفحص الاشعه وبعدين يشوف يديك ورجليك بهن شي ..
وبعدين قالو تجون لمركز التدريب الساعه 10 كذاا ...( يمكن على ما اعتقد يعطونك اوراق العمده والشيخ وفيه تحليل سمووم بعد .)
هذاا الي صار معي وان شاء اكمل الي يصير بكرره..
ابي اصكهاا نووم خبله < ههههههههههههههه
.................................................. .................................................. ....
اخوي اودك ما نسيتك حفت بعض الي في الخط الاخيرر
يمين وبعدين تحت وبعدين فوق وبعدين يسار .... على ما اعتقد وربي اني مواصل وبقتهاا زين يا خوك شفتهاا بعد ..
لا تنسون دعواتكم ... رفحاووي
ودي لك فهد واي خدمة حاضرين...
بالتوفيق للريال الليلة..
