الوضع اليوم في معهد الادارة ملخبط جداً حتى اللي يختبرونا تحس كأنهم مستعجلين ويبغون يمشون بدري راح احكي لكم اللي صار معي بالتفصيل....


وصلت لمعهد الادارة الساعة 11.30 بعدها قالو لنا روحوا صلوا و تعالوا نطابق لكم الاوراق ، بعد ماطابقنا قالو تعالو الساعة 2:30 علشان الاختبار انتظرنا من جديد طابور لمدة 45 دقيقة بعدها وزعونا على القاعات وقاعدين نطقطق انترنت لين جاء المراقب واختبرنا طباعة على برنامج اسمه (Typing Master ) لكن البرنامج هنق وقفل من نفسه عند اكثر من طالب وقررالمراقب الغاء اختبار الطباعة واعطانا خطاب وقال نسقوه واللي ينتهي من التنسيق يسأله تقريباً 4 او 5 اسئلة وبعدها امسك الباب ومع السلامه . انا الحين ما ادري وش راح يكون وضعنا مع الطباعة لان فيه قاعات اختبروا طباعة وبعض القاعات ما اختبرت ؟؟؟ والله وضع ملخبط ومختلف تماماً عن الاختبار الأول والثاني ، حتى وانا خارج من الاختبار عندي احساس ان هالاختبار ماراح يعدي على خير ، ما نقول الا الله يوفقناً ويسهل امورناً