بخصوص الشباب اللي يتكلمون عن الشهادة
والنسبه والتخصص ياشباب هالامور مالها دخل

الاختبار ليه وضع من شان يشوفون ثقافتك ومعلوماتك
وهذا الشي يكفي لهم اما سالفة شهادة فلهو صحيح
انا خريج شرعي ولي حدود ست سنين ونسبتي عاديه مره
والزملاء اللي اختبرو معي فيه الافضل وفيه الاسواء
لكن التوفيق من الله

اما بخصوص الخدمه المدنيه انا اقولك وش عندهم ووش دخلهم بسالفه
طبعا ماتطرح وظائف الا عن طريق الخدمه المدنيه يعني يوم وزارة العدل
جت تسوي المسابقه خاطبة الخدمه المدنيه وتم التنسيق من شان يرقون
جميع الموظفين اللي يستحقون الترقيه وحنا بااذن الله ندخل مكانهم وهذا الشي
مايصير الا عن طريق الخدمه المدنيه وايضا ليه قسمنا ملفاتنا قسمين
انا اقولك ليه علشان ياطويل العمر واحد للعدل واحد للخدمه المدنيه
اثناء تدقيق موظفين الخدمه لكل متقدم اكيد ان كل مرتبه له شروط الاستحقاق
يعني المرتبه الرابعه كاتب لازم ثانوي وحاسب ومن هالكلام فا الخدمه المدنيه تشوف
انت كل اوراقك سليمه ولالا وبعدها يشوفونا اسمك يالحاسب هل انت موظف حكومي او عليك
سوابق او اي شي يردك عن الوظيفه اذا اوكي ختم الموظف مقبول هنا يجي دور وزارة العدل
بالفرز وتحديد الاولويه من كل شي وهذا وين يصير وهذا وين نحطه وكل واحد يااخذ رزقه
اللي مكتوب له وعسى الله يوفقكم يارب ويوفق الجميع


شباب اللي مقدم على منظقة الرياض يعطينا خبر
وكل واحد يقول الديره اللي مقدم عليها من شان نتعرف اكثر
ويصير بيننا مراسلات ويمكن تكون بجنبي بكرا بالدوام ^_^
اميييييييييييين يارب