المشاركة الأصلية كتبت بواسطة راعي الحفر

صباحكم اللّھ بالخير
وشلونكم يالربع

ان من الصبح وأنا أحاول أنزل رد لكن يقول انتظر موافقة الادارة
وبحمدلله فتحولنا مجال الرد

على العموم يارجال عنديلكم كم خبر من مصادر موثوقه
وعلى ذمة الراوي

أولا يقولك نسبة القبول 99،99 بالمئة من اللي سوا مقابله مقبول بإذن اللّھ
لكن طريقة التوظيف دفعات من شهر واحد لحد شهر سبعه ڳـُڷ شهر تنزل دفعه
يعني لحد يفقد إلامل ياجماعه والتوفيق بيد رب العباد سبحانه والله يوفقنا وياكم

ثانيا سالفة الخدمه المدنيه الأوراق ماراحت للخدمه المدنيه فيه لجنه من الخدمه
المدنيه موجوده بفرع الوزارة ويقومون بالفرز وحطين لهم مكتب وجالسين يفرزون
ويااخذ بالأولويه على حسب النسبه اللي أخذتها بالمقابله وعلى كلام واحد اليوم في الوزارة
ان جميع المتقدمين على منطقة الرياض مقبولين ان شاء اللّھ يعني اللي ماراح يقبل
اللي ماعرف يكتب قدام الشيخ وعندها أخطاء أملائيه ممكن ينرفض أو يكون بالاحتياط

ثالثا الأسماء ان شاء اللّھ راح تنزل بحدود كم يوم الخدمه المدنيه يبغالها اسبوعين أو ثلاث للفرز والترتيب
وبعدها يتم الإعلان وبداء الفرز من بداية الدوامات يعني مابقيلهم شئ ويتم الإعلان ان شاء اللّھ

رابعا بخصوص اللي يقول هذي لعبه ولا فيه توظيف ولا فيه شئ أنا أقوله كلامك مو صحيح
لان من بداية التقديم لحد الآن التقديم والنتائج والفرز مراقبه من جهات حكوميه مسئوله عن المسابقه
يعني لحد يقول كذب أو من هالكلام لأني أعرف أربع أشخاص موظفين بوزارة العدل على بنود سنويه
وقدمو معنا ولا انقبلو ولو رجعنا للأولويه فهم مرشحين أكثر منا للوظائف من باب الخبره والاقدميه
لكن الأرزاق بيد ربك وعسى اللّھ يوفق الجميع

وآخر كلامي أقول يأشباب ڳـُڷ تأخيره فيها خيره
وأي استفسار أنا حاظر لعيونكم وعدرا الإطاله بالكلام
وإذا فيه أخطاء ولا شي أو تأخير بالرد لاتلموني ياجماعه داخل من الجوال
وان شاء اللّھ أي خبر جديد راح أخبركم

عن إذنكم نكمل تصليح الشاهي هههههههه ونزود الحطب