ياشباب انا اختبرت الاربعاء امس
وكان عدد الحضور اكثر من الايام السابقه
لان كان معانا المتقدمين لوظائف ناسخ آله المرتبه السادسه
وكان لهم حوالي 4 طوابير لتدقيق الاوراق
وباقي طابور واحد يمكن مايجون اللي فيه 150 شخص
لاحظت كثير جايين مرافقين للي يختبرون
ولو كان فيه رجل امن مثل تنظيم جامعة الامام يمنع دخول اي احد غير اللي معه نموذج من الموقع
كان قدرت تعدهم بسهوله
لكن انا شفت ناس مامعهم اوراق والا جالسين والا كبار سن انا شايف واحد معه ابوه جاي مرافق معه شكلهم من برا الرياض وجايين سوا
لاحظ ايضا سرعة الانتهاء من التدقيق في خلاال ساعه ونصف خلصو كل المتقدمين
ما اعتقد يقدرون يخلصون اكثر من 200 شخص في ظرف ساعه ونصف
لو كل شخص اخذو معه نص دقيقه مانبي نقول دقيقه كامله بالتدقيق طلعت 100 دقيقه
يعني ساعه ونص وفوق البيعه 10 دقايق
بينما لو هم 400 شخص بيحتاجون 200 دقيقه يعني ثلاث ساعات ونص
يعني ماراح ينتهون قبل الساعه 4 من التدقيق
واللي حضر بكل الايام شاف انهم يبدأون بالاختبار العملي الساعه 2 ونص كل يوم
الزبده
مو كل اللي بهذاك الممر بيختبرون ونفس الكلام على باقي الايام اكيد كان فيه حضور مالهم لاناقه ولاجمل مجرد مرافقين
والعلم عند الله ان معدل 200 - 150 شخص كل يوم هو الصواب
يطلع الاجمالي مو اكثر من الف شخص ترشحوا لهذي الوظائف الـ 700
الشي الثاني
بالنسبه لاختبار ناسخ آله
والله وبكل أمانه اقولها عدلوا بينهم والله اللي يعلم بالنوايا
يعني بالبدايه تدقيق على الشهادات بطوابير لحالهم وطلعوا ناس مادري ليه يمكن شهاداتهم ماتؤهلهم للمرتبه السادسه بعدين سوو لهم اختبار نسخ بطريقة اللمس وهذي الطريقه اذا ماتتوفر عند الناسخ معليش لو معه شهادة دكتوراه الموضوع مافيه واسطات لحد الآن بس باقي المفاضله بين جميع الناجحين بالشهادات والدورات والتقديرات اذا تعدوا الاختبار او درجاتهم مكرره
اخر كلمه بقولها
الله يفكنا من شغل الواسطات بمرحلة الفرز القادمه ياااااااااااااااارب