وعليكم السلام ورحمة الله وبركاته

حياك الله أخوي حمد

الدورة التأهيليه ماتعتبر من ضمن سنوات الدراسه هو ترم دراسي واحد فقط و هو شرط أساسي لدخولك في الإنتساب بالذات في جامعة الإمام أن لازم تجتاز الدورة التأهيليه بنجاح حتى تقدر تتخصص الأهم أنك تنجح في المواد كله مو مهم المعدل لأن المعدل ينحسب في المستوى الأول بإذن الله

المواد 8 وهي ( قرآن وعلومه و الحديث الشريف وعلومه و الفقه وأصوله و الأدب والبلاغه و النحو والصرف والثقافه الإسلاميه و أصول الدعوة والحسبة والعقيدة والمذاهب المعاصره )

من ناحية القوة هي الشهادة معتمده في وزارة الخدمة المدنية وفي التعليم العالي وهذا موجود في موقع عمادة التعليم عن بعد وهذا مايؤكدونه لنا المشرفين على المنتدى الخاص بالطلاب والطالبات أنها معتمده .


http://www.imamu.edu.sa/support_dean...cred_cert.aspx


طبعاً حيكون مسمى الشهادة ( تعليم عن بعد ) و من خلال بحثي في الكثير من المنتسبين أنهم تمرمطوا في التقديم للوظايف التعليمية في الخدمة المدنية و قالوا فقط المنتسبين لتخصص اللغة الإنجليزية هم اللي يقبلونهم غيرهم لا وهل هذا الكلام شامل للمنتسبين ( التقليدي والمطور أو لفئة دون فئة ) !! أنا ما أدري سوى مجرد بحث عن الموضوع ..

طبعاً أنا هدفي في دراستي عن بعد ليس تعليمية وعشان كذا ما أهتميت لهذا الكلام لأني ما أبي تعليمية أصلاً ولا عندي نيه فيها ..

أنا جاوبتك بأمانه لأن هذا اللي أشوفه في الكثير من المنتديات الخاصه بالمنتسبين سواءتقليدي أو مطور بالرغم أن التقليدي ملغي في جامعة الإمام ومافيه إلا المطور الأن وهو اللي برسوم ..

وإذا جينا نقارن بينها وبين جامعة الملك عبدالعزيز فجامعة الإمام أفضل مليون مره من عبدالعزيز لان الإمام مراكز الإختبار كثيره في جميع أنحاءالمملكة أما عبدالعزيز لا فقط في جده وإلزامي تتعنى لجده عشان تختبر هناك .

من ناحية المواد سهله مافيه ذيك الصعوبه فقط إهتمام منك وتركيز والدكاتره متعاونين معنا والحمدلله ماشيه تمام ..
طبعاً حبيت أبين لك حتى ماتنصدم بعدين أن الملازم أو المذكرات في الدورة التأهيليه موجوده في منتدى خاص إذا سجلت في الجامعه لكن مواد التخصص اللي تختاره لا مافيه غير مواد مرئية أو صوتية ولا فيه ملازم سوى إجتهاد من طلاب الدفعات السابقه والحمدلله أشتريتها من مكتبة و أبدأ أتابع مع شرح أستاذ الماده ونادراً مايكون فيه إختلاف لأنه جهد الطلاب اللي قبلنا ومروا على مانحن نمر عليه ..


هذا ردي بذمة وضمير وللعلم أنا طالبة الأن في الجامعه إنتساب مطور تخصص إدارة أعمال والحمدلله ماشيه فيه وأموري تمام ..

أي إستفسار أنا جاهزة والله يوفقنا وياكم .