اقتباس:
المشاركة الأصلية كتبت بواسطة حنيني لذكرياتي
رحت اليوم لمركز التاهيل بحي القدس وليتني مارحت بس كل مااتصلت عليهم باستفسر مايردون والا مشغول
قلت اروح اشوف واستفسر
استقبلتني موظفه بتكشيره وقالت خير وش عندك ؟؟ قلت باستفسر عن رقم المستفيد مابعد كملت قالت بصوت عالي
بعد الميزانيه تعالي خذي بطاقتك قلت انا عندي بطاقه بــ ... مابعد كملت صرخت قالت وش جابك اجل قلت انتظري بكمل قالت بعد الميزانيه ماخلتني اتكلم قلت بشوف وقالت ارجعي بعد الميزانيه
عالعموم انا طلعت ودمعتي بعيني قسم بالله مقهوره حسيت بالذل كاني اطلب من راتبها شئ والا هم يستحقرون اللي عندهم معاقين والا يحسون بمتعه باهانتنا
قلت وش يضر لو ابتسمت وقابلتني بنفس حلوه وش يضرها كل الحريم الموجودين قالو اي والله كنهم يصرفون علينا
الى الحين تعبانه واتحسب عليها
حسبنا الله ونعم الوكيل
اذا الواحد ماعنده معاق ولاهو محتاج لايذل اللي بحاجه لانه بيجيه يوم ويحتاج
كلامي مو منسق بس اكتب ودمعتي على خدي
احس يوم ردتني كاني جايه اطرهم انهانت كرامتي قسم بالله
مااقول الا الله لايحيجنا لمخلوق
|
والله قهر
لكن ترى حتى حنا بقسم الرجال يعاملونا كذا واخس من كذا
كل المؤسسات والمرافق والمراكز الحكومية -مثل الجمعيات والضمان والتاهيل وخاصة التاهيل)اللي تخدم المحتاجين بالمملكة تعامل المحتاج معاملة مهينة مدري ليه؟
هل عندهم تعليمات رسمية باهانة الناس؟
لكن الضمان اعتقد تحسن عن اول وصار فيه معاملة طيبة شوي
اما التاهيل فهم سيئيئن بالمعاملة وممكن يضربوا المعاق