عاااااااااااجل
يا شباب انا اللي ارسلت شهادتي ع الفاكس لان فيها نقص ولا ارتحت
ثم رحت لهم اليوم والله ماني من الرياض بس ويش اسوي طقيتها مشوار ابي ارتاح نفسياً
و على طول للدور الثالث مع اللفت و خشيت شعبة المسابقه الوضيفيه
وحصلت الموضوف
و قال ويش عندك
قلت انتم متصلين تقولون ملفك فيه نقص
قال من وين جاي قلت من حول الرياض
المهم و قال تفضل
واخش الغرفه لهي كلها ملفاااااااات
وفيه واحد عنده يسولف هو وياه
قال اللي عنده متى بتروح الملفات
قال مادري بس كل شوي وهم جايبين ملفات ناقصه
قسم بالله كثيره يا شباب
وخاصه لجنه رقم 1
المهم قال ايش اسمك
علمته باسمي وعرفني ع طول لاني مزعجه بالاتصال وهو موضف واحد قاعد يكمل نقص الملفات لين تروح للخدمه المدنيه
قلت وين ملفي قال اعتقد انه راح للخدمه المدنيه
قلت تكفى دوره
قال لحظه اشوف
والله ويقعد يبحث عنه وكل الملفات مكتوب عليها بخطاط لجنه رقم 1
والله اشوف ملف مكتوب عليه لجنه رقم 2 قلت هذا يمكن ملفي
ويطلعه و فعلا طلع ملفي
واقعد اشوفه
قال خلاص جاتنا شهادتك ع الفاكس
قلت الحمدلله
والله مارتحت الا لين شفتها

بعدين سألته عن موعد النتايج قال اعتقد نهاية شهر واحد
وحركت من عنده و انا اقول جزاك الله خير

صدقوني اللي ارسل شهادته ع الفاكس يتطمن لانهم راح يدقون عليك اذا ما كملت الناقص
طبعاً الفرع هو اللي على شارع الجامعه مو اللي اختبرنا فيه

وسلامتكم