اقتباس:
المشاركة الأصلية كتبت بواسطة حمد زيد
<<ناشب لك في كل رد  الله يجزاك ويجزى اخوي مخاسير و يجزى صاحب الموضوع بكل خير ..
اختي تعرفين كيفية توزيع الدرجات؟ اختبارات شهرية؟ واجبات؟ اختبار نهائي؟
جزاك الله خير  .. |
ياخوي حتى الآن مافيه واجبات ولا اختبارات شهريه
اكثر المنتسبين موظفين و عمادة التعليم عن بعد تعرف الشيء هذا
فقط اختبارات نهائيه
تختار المواد اللي تبي تدرسها بكل ترم ثم تسدد الرسوم ثم تختار مركز الاختبار اللي تبي تختبر فيه
المواد عباره عن محاضرات مرئيه ومسموعه تنزلها وان بغيت ملخصات و اسئلة الدفعات اللي قبلك تلقاها في مراكز خدمة الطالب اللي مقابل الجامعه من الجهه الجنوبيه
الرسوم 3000 للدوره التأهيليه واذا مانجحت فيها تدفع 100 وتعيد الاختبار
اما التخصص 2500 لكل ترم
الشهاده مكتوب فيها انتساب هذا جواب العماده لي و المشرف على قسم طلاب الانتساب عن بعد في منتديات طلاب وطالبات جامعة الامام
اذا تبي شهاده بدون انتساب سجل بالجامعه العربيه المفتوحه دراستهم يومين الى ثلاث ايام بالاسبوع وفيها مسائي ويعتبرون طلاب انتظام وتخصصاتهم حلوه فيها حاسب آلي و إدارة اعمال ولغة انجليزيه
ولد عمي تخرج منها وقدم ابتعاث و الآن في امريكا يدرس ماجستير
بس رسومهم في البدايه دوره مكثفه في الانجليزي بـ5000 ثم بعدها كل ترم على حسب المواد اللي تدرسها وعاده رسومهم بين 3500 و 5000 لكل ترم بس دراستهم صعبه شوي وتعتمد على الانجليزي اكثر شيء