لا حول ولا قوة الا بالله ,, اسمحو لي على ردي هذا ولكن ابي انضح عما في جعبتي بكل صراحه ...

فيه شي غلط انا ما ادري من السبب فيه .. انا انصدمت مؤخراً عن نظرت المجتمع بحكمي اعتبر خريجه جديده وعدد جديد في العطاله . خريجه جديده يعني سنتين .. وهذا انجاز , والله يكتب اللي فيه الخير ,

انصدمت من نظرت المجتمع واغلب الشباب للفتاة اللي تشتغل في البنك او في مستشفى ,, وكأننا لم نصبح بحاجه نحن النساء لمن نتعامل معاهم في هاذان المجالاان خااااااااصه ,,

يعني انا اموت الف مره وانا واقفه قدام واحد اقوله بالله اودع لي وخذ فلوسي فرضا ولنفرض كنت وحده ما عندي اخوان او انا من اعول اسرتي , هل القرار الاسلم اننا نوقف قدام رجال وناخذ ونعطي وشوي شوي مع الوقت الحيا حقنا كبنات يختفي وهذا هو الحل اننا ما نشتغل بالمجالاات الثانيه ؟

الحاجه صارت تحتم على الانسان يشتغل شغله شريفه اصبحت في زمننا تمتهن وتعتبر من تشتغلها متبرجه وفاسده ! عجباً والله

والشي الثاني ,, المستشفيات , دكتوراتنا بالمستشفيات , اصبحوا يعرضون انفسهم للزواج والله اعرف وحده راحت مع اخوها وامها المستشفى واخوها ببدلته العسكريه ضابط معاهم الدكتوره تقول لامه زوجيني اياه والله معي فله ومعي سياره ولا ابي منه شي استري علي بس وعمرها تقريبا 29 ؟؟ تقول محد راضي يتزوجني ولاني دكتوره

وانصدمت من نظرت اخو وحده من صديقاتي كمان يشتغل في قسم الاشعه.. يقول مستحيل اتزوج اي مخلوقه تشتغل بالمستشفى ,, وكثااااااار كثار هاذي نظرتهم ؟؟

ما فكرو اننا نحن كنساء نحتاج لمن هم من نفس جنسنا ً ليكونون ستراً وغطاً لنا عندما نحمل في بطوننا شجعان المستقبل الذين مع الوقت يكبرون لكي تصبح نظرتهم كما من هم قبلهم ؟؟

ما يعتبر احراج اذا تكشفت المريضه قدام دكتور او ممرض ؟
ما يعتبر هذا شي مخزي ومشين ؟
طيب ونفسياتنا كنساء وكبنات ؟

بجد كـــــــل شي اصبح غريب ..

والشغل .. عيب , والحاجه .. ذل ..
المــــــوت اكرم ,, ومن قتل نفساً كأنما قتل الناس جميعاً ,, استغرب من بعض الردود اللي تقول : ارجعي بيتك وقري في بيتك واقعدي ادعي ,, فعلاً ما ننكر وغصباً عن الجميع الله قادر على كل شي وموزع الارزاق
وفالق الحب والنوى والمعطي لكل شي ,, بس ليه ما ناخذ بلاسباب ونكتفي دوماً بالتواكل وننتظر معجزه الاهيه تجي وتحطم اللامعقول وتطلع لنا وظايف من اللا شئ ؟ لا يغير الله ما في قوم حتى يغيروا ما في انفسهم

وفعلاً احنا /: نَعِيْـبُ زَمَانَنَـا وَالعَيْـبَ فِينَـا
وَمَـا لِزَمَانِنَـا عَيْـبٌ سِـوَانَا

وَنَهْجُـوا ذَا الزَّمَانِ بِغَيرِ ذَنْـبٍ
وَلَوْ نَطَـقَ الزَّمَـانُ لَنَا هَجَـانَا

قري في بيتك يا اختي واقعدي اطلبي الحاجه من باب انك سويتي شي وخلي المجتمع نظرتهم تتفاقم لتصل ادراج الرياح ,,
هنيئاً لنا كل مفسده .



هنيئاً لنا في كل ما هو صح في نظر من حولنا ...