السلام عليكم ورحمة الله وبركاته
شباب انا اليوم رحت لفرع الوزاره اللي بعرعر دخلت على الموظف قلت له دقيتو علي امس قلتولي تعال قال ايه وش اسمك قلت فلان بن فلان دور بالاسماء وطلع اسمي اخر اسم ورقمي بالكشف واحد وخمسين قالي عليك نقص صورة شهاة الثانويه ونموذج الغير موظفين عب النموذج وجب صورة شهادة الثانويه وتعال ,لأني مقدم عليهم بشهادة الكليه التقنيه وماعطيتهم شهادة الثانويه قبل والنموذج هم ماعطوني اياه قبل المهم اني عبيته ورجعت للموظف عطيته الاوراق قالي رح للمدير خله يختم على الاوراق وديتهن للمدير وختم عليهن ورجعت للموظف شاف الاوراق قال خلاص توكل على الله قلت له طيب اللحين دقيتو علينا على اي اساس قال حنا دقينا عليكم علشان اوراقكم فيها نقص فقط قلت له طيب النتايج متى قال والله حنا ماندري عن شي النتايج تطلع بالموقع قلت له اجل سلام عليكم وهذا للي حصل معي