[align=center]
معلومات إضافية ...

معلومات الدفتر الأصفر (التعيين والمعادين للخدمة):

تعبي اسمك واسم أبوك واسم جدك وديرتك وين هي فيه، وتجيب شاهدين يعرفونك يوقعون ويصادق عليهم إما العمدة أو شيخ القبيلة والصفحة الثانية نفس البيانات بس فيها تعهد انك تبي تلتحق ونخرط في الخدمة العسكرية ونفس الشهود يوقعون ويصادق عليهم الشرطة أو الأمارة، وفي النهاية فيه ثلاث خانات يقول لك اذكر ثلاث من أقاربك أو معارفك يشتغلون في المباحث العامة (يعني بالعربي هذي واسطتك، عيني عينك).
ونسيت أقولكم إنهم يعطونكم ظرفين صغار واحد لمدرستك وواحد للأحوال المدنية.. المدرسة علشان يتأكدون من أن الشهادة ماهي مزورة، والأحوال المدنية علشان تثبت أن جدك سعودي الأصل والمنشأ والولادة (لا حووووول بس) يارجال وش هالتعقيدات قسم كرهت أم العسكرية، في الولايات المتحده أكبر دولة متقدمه تلقى يشتغل فيها جاوي ولا لاتيني ولا برازيلي في الإف بي آي والاستخبارات وعندنا العنصرية للحين باقية.

المهم.. لأهل الواسطات:
ترى الواسطات لو أبوك برتبة مشير يارجال وشغال في المباحث ما يقدر يتوسط لك في مركز التدريب، لكن يقدر يتوسط لك في مستشفى قوى الأمن والمديرية العامة للمباحث بالرياض.

نصيحة:
للي يشوتوه علشان شي تافه يقدر يروح وزارة الداخلية ويقدم معروض للأمير محمد بن نايف وبياكل *** ولا راح يردون عليه مثل حالتي، علشان كذا لا تتعب نفسك وتروح تجري ورا رزقك المقطوع.

بالتوفيق للجميع ،،،
[/align]