صبحكم بالخير جميعااا .. وجمعه مباركه عليكم ..

ياشباب انا رايح لهم يوم الثلاثاء اللي قبل قبل امس وقدمت اوراقي
طبعا خلصت الكشف والبصمات وبرنت الاحوال وكل شي المهم جيت
اسلم الاوراق فيه واحد شايب مدري وش رتبته ماركزت قال وش
معك شهادة قلت دبلوم كلية التقنيه قال ترى ما أضمن يعطونك عريف
فيه دوره نهايه شهر واحد للجنود سجل فيها وتراها مضمونه ..
قلت لاوالله خلني على عريف حرام معي دبلوم واسجل جندي قال
براحتك طبعا اخذت اقرار بالرتبه ووقعت ومسكت الباب وفيه ناس
عالم في الصاله كلهم جايين يقدمون ويأخذون الاوراق يكملونهاا
وترى التقديم للحين مفتووووح بس حاول تحضر من بدري عندهم
من الساعه 7 لانهم يفتحون البوابه نص ساعه بس ..
طبعا سألت عسكري برى قلت متى تتوقع دورتنا قلت انا مقدم على
عريف قال ان شاء الله شهر ثلاثه او خمسه بالكثير .. طبعاا لاحد
ياخذ كلامه جد لان كل عسكري يفتي من راسه .. وفي النهايه
نتمنى لكم التوفيق ولاتنسون تراهم مشددين على الاوراق وردو ناس
كثير واهمها :
1/ صورة كرت العايله أو الاصل .
2/ صورة بطاقة احوال أبوك .
3/ صور لشهاداتك وتكون مختومه موب مصوره ..
4/ صور شخصيه لـك ..
والباقي معروف .. اسف عالاطاله وموفقين يارب