بارك الله فيكم جميعا
يا أخوان أنا أعرف أن بلدنا في تخبط من جميع النواحي , وأولها مشاريع السعودة اللي ما تدري أين طريقها الصحيح ..
والمشكلة الأخرى أن أغلب الناس ما يبون إلا وظيفة على تخصصهم ..
أنا ماني خريج جديد من الثانوي .. ولكن درست سنتين ونصف في معهد الإدارة العامة تخصص إدارة المواد .. ومثلي مثلكم لم أجد وظائف تشجع الواحد يشتغل ويبدع فيها ..
ولكن والله لازم الواحد إنه يختار التخصص إللي يرغبه ويحبه ويشوف مستقبله فيه والرزق على الله
يعني نفعل المعاصي والذنوب ونبي الرزق والوظائف الزينة , والله ما تجي !
وانا جتني وظائف على تخصصي ( أمين مستودع ) بس المشكلة أني ماني راغب في تخصصي من الأساس وماني حابه ,, وبيني وبينكم دخلته بالغلط بعد الحوسة اللي كنت أعاني منها في اول تخرجي من الثانوي ..
والآن وبعد أربع سنوات من التخرج من الثانوي قلت في نفسي بأدرس تخصص إقتصاد .. ولكن لا تزال جامعاتنا الوقورة المتخلفة تبني الجدران الثقيلة حول التخصص المرغوب وبين الطالب الطموح .. ولكن الحمدلله ..
فرأيت ان التخصص الأنسب لي في الدرجة الثانية هو الحاسب الآلي , لأني راعي حاسب وشغل يد ..
ولو ما إستفدت من تخصص الحاسب في وظيفة .. أستفيد فيه في فتح محل حاسب آلي وأشتغل بيدي وعرق جبيني ولا منة هالوظايف
واللي يحب الشيء راح يبدع فيه
عموماًًَ وظيفة حكومية هذي أنا شلتها من راسي من تخرجت من الثانوي لأن هالشيء صعب وزحمة عليه نوعا ما ..
وثاني شيء حتى لو وظفوك ما راح يعطونك الراتب اللي تطمح له وراح تقعد على هالراتب لين يشيب راسك ولا حققت الآماني والطموح اللي ترغب فيه ..
ولكن في مجال التجارة والإقتصاد والمحل اللي راح تشتغل فيه بنفسك , راح تطلع منه أكثر من الراتب اللي راح تحصله من الحكومة وبالرؤية والهدف والتخطيط والجهد والإجتهاد تحصل ما تريد
انا والله إن عندي طموح عالي وغيري كثير من أبناء هالبلد الطموحيين والمبدعين , اللي لو فتحوا لهم المجال وهدموا هالجدران اللي حاطينها أمامهم من بداية تخرجهم من الثانوي من نسبة وقياس وتحصيلي وغيرها اللي تسد النفس وأهتموا بدل ذلك بالموهبة والرغبة والطموح كان شفت بلدنا من أفضل بلدان العالم , ولكن أين الإهتمام .. مواهب وإبداعات تُدفن ولا حياة لمن تنادي
دراسة 14 سنة في ضياع وثانوية عامة في كل سنة 15 مادة تعصر مخك وعقلك فيها وأغلب هالمواد مالك فايدة فيها
وكل هذا عشان تجيب النسبة اللي تطمح لها وفي الآخير ما تحصل ما تريد وتقدم على الجامعة ويقولون وين النسبة ..
العلم في الإبداع والإبتكار والإفادة
العلم ما هو بورقة شهادة
العلم في الكتب والقراءة
يا أمة إقرأ
وكم من عالم ومبدع لم يحمل شهادة
وأولهم من إخترع الطيارة والسيارة
سؤال : هل كانو في يوم يحملون الشهادة ؟
الحمدلله
