المشاركة الأصلية كتبت بواسطة فقعسي

الله من دنيا يوم كنت طالب ثانوي كنت اتمنى شي اسمه عطاله ويوم وصلتني الامنية صرت اقول متى تجي الوظيفه والله مدري وش من امنيه بعد هالوظيفه .....

وعلى فكرة اخوي ابو فوزان وقت المقابله واسئلتهم لو جاوبت عليها غلط وش يكون الوضع
مو مهم الجواب صحيح ولا خطأ، أهم شي الحالة النفسية للمتقدم، يعني خلك جلد وشجاع وواثق وثابت وانت تجاوب وخل لسانك طليق، انا في مقابلتي الشخصية ما سألوني ولا سؤال، بس أول ما دخلت على الضابط دقيت تحية عسكرية ويوم قرا ملفي شاف هواياتي الرسم الكاريكاتوري، قام عطاني ورقة وقلم وقالي ارسم لي رسمه.. قمت رسمت له واحد مهايطي وجهه شبه البعير واسنانه مفجره ويدخن سيجارة حشيش ومنكس الطاقيه الدورين ومفتح أزارير الثوب والشنب يوقف عليه الصقر وعيونه رايحتن فيها، قام ناظر في الصورة وضحك قالي: وش ذا؟!)) قلت له: ((حال شبابنا)) قام قالي وهو يضحك: ((خلاص روح الله يوفقك وفالك القبول النهائي إن شاء الله)) وعطيته تحية عسكرية وانا ماشي، لا تشيل هم المقابلة تراها أسهل شي.

.....

والشي الثاني الشايب عندي كان فالمباحث العامه بمطار الملك عبدالعزيز الدولي والحين متقاعد له سنه ... بس وش وضع المعروض ارسله قبل التقديم او قبل الفرز او متى اسطحه ...

المعروض وانت مقدم ملفك لازم يكون المعروض من ضمن الأوراق أول صفحة بالترتيب زي ما راح يعطونك إياه بالموقع لا فتح التقديم إن شاء الله، هذا إذا انت تقصد بالمعروض حق طلب الإلتحاق بالدورة، أما إذا قصدك معروض (واسطه أو استثناء من والدك) فهذا تقدمه بعد ما تسوي الكشف الطبي. بس ترى للمعلومية الواسطات ما راح تنفعك اسأل مجرب، انا عندي قريب مدير المباحث الإدارية بمنطقة مكة المكرمة وتوسط لي ولا انقبلت، لأنهم يحاولون يقضون على الواسطات كل شي صار آلي، والواسطه ما تنفعك غير في الكشف الطبي فقط لا غير.

واعذروني طولت عليكم واتمنى التوفيق للجميع يارب والله يوفقني وانقبل واشوف من انقبل معي على خير