السلام عليكم ورحمة الله وبركاته,,

محدثكم اخوهدله اختبرت يوم السبت مراقب امن وسلامه الساعه 8:30 موعدي عاد انا دخلت الساعه 8 اوكلوك<<حركآآآت ,,مثل ماقالوا الشباب الدور الثاني قاعه رقم28 كانوا مجتمعين فيها المتقدمين على المرتبتين الرابعه والسادسه اخذنا ساعه كذا بعدين جاء الموظف وطابق لنا الاوراق بعدها رصينا انتظاااااااار الى الساعه 1:30 ظهرا ً<<<اوووم السحبه ياإدارة وحدة الامن الله يسامحكم ,,المهم دخلت انا وسألني الملتحي اللي لابس مدني بصوت مرتفع وبسرعه يبي يستفززك يعني :وش اسمك؟وين مقدم؟وليه اخترت هالمنطقه؟على اي مرتبه؟<<لكن صراحه رغم انه ينفخ الا انك تحس انه شخص خلوق ويبغى الخير لكن العمل عمل زي مايقولون,,ثم بعدها قالي ماهي وظيفة مراقب الامن والسلامه؟وكيف تشغل الطفايه؟وهل وجدت طفايات عندنا واين؟وماذا لاحظت على مشرفين الامن عندنا؟ثم قال لي انا حطيت لك درجه لكن عندك مشكله الا وهي الخبره ماعندك ومن الشروووط للتوظيف يكون عندك على الاقل ست شهووووور!!!,,قلت له بالاعلان ماكان فيه هالشرط ودخلت الاختبار والمقابله ومحد قال لي اننا نبي خبره !!!!قال لي امرك هذا عند شؤون التوظيف وماهو من صلاحياتي ,,قلت شكرا وخرجت والرزق على الله سبحانه وتعالى,,

على الهامش:
1-العضو (متضايق بقوة ) لقيته هناك وهو من المدينه والصراحه رجال يشرفك ومهما اقول فيه ماراح اوفيه حقه الله يوفقه بالوظيفه وبالدنيا والاخرة.
2-اما الوهبي اللي كان معنا الصراحه حفللللله بس حفله مسليه والله وكان يقرق علينا من الساعه 8 الين مادخل على اللجنه الساعه 1:10 قرقرقرقرقرقرقرقرقرقرقرقرقرقر ههههههههههههههههههههه مافصل ابد ابد ماشاء الله والعالم دايخه وتعبانه وهو تحس انه يغرف من بحر ((عاد كان فيه واحد معنا من الجوف مسك جواله ودق على واحد وقال السلام عليكم الا ويلتفت عليه الوهبي ويقول وعليكم السلام ههههههههههههههههههههههههههههههههههههههههآآآآي الصراحه موقف لايحسد عليه ابدددد,,قلت يابن الحلال الرجال يكلم هههههههههههههههههههه الا ويضيع وجهه ))

هذا اللي عندي الحين واعذرونا على التأخير قسم بالله ماجيت من العاصمه الا اليوم على اذان الفجر لانه كان عندي عصفورين بالرياض ويارب ان الحصاه تصيب واحد منهن والا كلهن ياكريم.

حصريا ً:سألت مدير الأمن متى النتايج بتاعتنا قال((الاسبوع بعد القادم !!!))عاد هذا خبر حصريا ً وسبق منتدائي لمقامي الكريم