السلام عليكم
رحت والاختبار تافه وسهل مررررره غالب الاسئله
مقارنه وسلمنا الاوراق وعطونا الشروط
الدراسه ست شهور والمكافئه 2200 وبدل سكن 500 وبدل مواصلات 150 وحاطين سبع نقاط على ماأظن إذا سويت شي منها يطردونك (أعمال مخله بالشرف والتاخير ووووو.....) الزبده إذا طردوك تعوضهم اللي خسرته الشركه عليك
وقعدنا ننتظر المقابله
طبعاً اللي يخلص الاختبار أول يدخل المقابله أول
دخلت أنا حدود 11 الظهر
_أول مفابله لي أنا!!
س كيف الانجليزي معك
ج جيد
س عطنا من الجيد واقرأ هنا
قريت وتعتعت وهاه..منا..منا المهم وصلت عند كلمت بروبين
بالأنجليزي طبعاً
قال وش معنا بروبين
قلت ماده كيميائيه
قال صح
قال وش تبي عندنا مالقيت جامعه أ وكليه أحسن مننا
(بدينا في رفعة الضغط)
قلت عندي كلية التقنيه الترم الثاني لكن نبحث عن الافضل
قال بالعكس التقنيه احسن هم يعطونك شهاده معتمده ودرجه عاليه لكن حنا نعطيك شهاده غير معترف فيها فقط تثبت انك حضرت الدورات معنا هذا إذا كملت وما فصلناك
قلت فيه ناس اعرفهم معهم شهادة التقنيه ومانفعتهم
وأنا سألت وقالوا لي التدريب عندكم منتهي بالتوظيف
قال تعرف الوظيفه اللي متقدم لها
قلت مشغل
قال صح بس وش المشغل
قلت مشغل آلات ومكاين
قال
وقلت
قال
وقلت
وخلصت وقال بتجيك رساله عالجوال
لكن عندي سؤالين لكم أنتم
س/هم الأحسن ولا التقنيه؟
س/اللي قبلي طولوا عنده وأنا ماطولت عنده
ماأدري هو أقتنع فيني بهالسرعه أو شاف علي شئ؟