حبة حبة ياكلك أكل البرشومي ياكلك << هع
بناخذها وحدة وحدة مرحلة مرحلة
بإذن الله وبعد ما يتم قبولكم نهائي تراجعون التجنيد ويعطونكم قرار المباشرة
تحضرون فيه على مركز ومدرسة التدريب التأسيسي للقوات الجوية في الطائف
في البرحة قدام المركز ضايعين ماتدرون وين الله حاطكم وش تسوون ووش بيصير لكم
وش السواة وش الدبرة أكمل أرجع أسحب أدق على فلان استشير فلان
بعضكم خايف وبعضكم يحلف يمين انه مهوب داخل المركز
تهدونه تمسكونه مافي فايدة ما يبي الجوية ولا يبي ريحتها ولا يبي الوظيفة
وأغلبيتكم راح يكون بين البينين يقول أدخل أشوف الوضع يوم يومين اما ناسبني ولا قلت طلعوني
البعض يقعد يهايط أعرف فلان وأخوي فلان وولد جد خالة بنت عمة أمي فلان
بعضهم يقعد يستعرض جماعته وبعضهم يستعرض عضلاته
بعضهم ودك تتعرف عليه وتماشيه وتتمنى يكون بسريتك ونفس فصيلك
وبعضهم ودك تفقع وجهه وتدق خشمه بالازفلت
بتشوف صاحين وبتشوف مجانين ومتخلفين وبتشوف ملحجة
وبتشوف أحزاب ومجموعات وبتشوف رجال وبتشوف وراعين
أما المهايطية حدث ولا حرج يااااااااااااااااااااااكثرهم
الوضع العام مشوش ملخبط << ماعليك منه
ولا عليك منهم ولا عليك من أطخم واحد انت جاي لهدف هو مفتاح حياتك المستقبلية
ثلاثة شهور أو خمسة شهور تعدي والله تعدي حتى لو صكتك النفسية
حتى لو جسمك تكسر من التعب حتى لو وجهك انحرق من الشمس بتعدي
وتتخرج وتنسى المركز وأيامه
في كلمة دايم تقال بأي دورة عسكرية .. ( اذا جيت داخل المركز حط كرامتك بقرطاس واتركه عند الباب )
وهذا كلام مغلوط واللي قاله متخلف وين عايشين بغابة ولا بغابة
ثلاث أشياء محد يتعرض لك فيها .. عرضك ، دينك ، شرفك
صحيح راح تسمع اهانات وسب .. يا بسطار ياسطل ياهلامه ياحيوان
لكن خذها مني .. الرجال ما يترك للرجاجيل عليه درب
واختار من تماشي << ركز على هالكلمة
واذا جيت تبزوط بزوط بعقل
ولا تنسى انك بدورة << يعني منت قاعد عندهم للأبد
ولا تنسى ان الـ 45 الأولى رفع لياقة وفحص نفسية
ولا تنسى ان التعب يروووووووح وما يبقى منه شي
وللحديث بقية << اوخص مثل الكتاب الكبار خخخ