السلام عليكم ورحمة الله تعالى وبركاته .. وبعـــد ،،

بغيت استفسر منك ياطويل العمر في هذا الشأن:

انا من سكان مدينة جده وعندي الوالد مهنته في كرت العائلة متسبب، ولكنه عاطل له أكثر من 6 سنوات وعمره 58 عام، وانا ما أقدر أصرف عليه لأن راتبي 5000 ريال، وما عندنا سكن، ساكنين ببيت خالتي انا ساكن داخل منزل خالتي والوالد معطينه غرفة الحارس، والوالد مريض عنده الضغط والسكر وارتفاع الكوليسترول ومسحور، وقاعد أدور فيه بين الرقاة والمعالجين وأصرف عليه الأدوية ومراجعات المستشفى والأكل والشرب وملابس، وما يوصل نص الشهر إلا والراتب (صفر)، فاضطر أستلف من فلان وعلان.
والآن قدمت في إحدى القطاعات العسكرية والدورة بتكون في الرياض لمدة 5 أشهر، وانا شايل هم الوالد وش بيكون وضعه لحاله هنا، لا مصروف ولا علاجات ولا اهتمام، والله يستر من التعيين وين بيكون حتى.
فطرح علي أحد الإخوة الرقاة الذهاب إلى الضمان الإجتماعي والجمعيات الخيرية وطلب مصروف شهري للوالد لعله يساعد في سد المصروف اليومي له وتوفير علاجاته.

فكيف طريقة التقديم؟
وكم أقصى مبلغ أقدر آخذه للوالد؟
وهل يتم توفير سكن له عن طريقكم أو عن طريق الجمعيات الخيرية؟

أرجو الإفادة.. شاكراً لك ومقدر، وجزاك الله خير ،،،