ما عاد يغري لهفتي بيـــــــــض الاوراق -
متى نسانيس الشمـــــــــــــــــالي تسوقك ؟ !
من يوم ما غابت مراسيل الاحــــــــــداق -
لا زلت انا اشعر في رســـــــــــــايل خفوقك !
ما هي غريبة يوم توفي .. و تشـــــــتاق -
هذا الوفـــــــا من طيب أصلك .. و ذوقك ..
يا نخلة ٍ .. مبطي نمت وسط الاعمـــــاق -
لا من حداني الضـــيم جادت عـــــذوقك ..
ودّي بشوفك من بعد ضيق .. و فـــــراق -
يا عوقي مْن المعضلات .. و يا عوقك !
انت اتحرّى من كتاباتي اشــــــــــــــــراق -
و انا اتحرّى كلّ لحظة شــــــــــــروقك ! !
فـ ان جيت لك مشتاق .. ابي لحظة عْناق -
و الورد من تحتك .. و الامـزان فوقك
ماني بقايل لك : ( انا حيل مشتـــــــاق ) -
و لاني بقايل لك ( يا لبّى عــــــروقك ) !
خايف يروح الوقت .. و الوقت ســـــــرّاق -
كنّه يقول : اترك سواليف شــــــــوقك ..
اسكت شوي .. و خلّ الاحساس ينســـــاق -
ينفض مشاريهك .. و يطــرق خفوقك .. !