اقتباس:
المشاركة الأصلية كتبت بواسطة احلى عاطلة
اخوي .. عقدك بيكون مع شركة الحلول الممتازة ,, لأن بنك سامبا يطلب من شركة الحلول تأمن لهم موظفين
بس بشرط انهم يكون على عقد مع الشركة وليس البنك
لايوجد ادنى اختلاف من حيث مهامكـ الوظيفية بينك وبين موظف البنك نفسه ولكن الاختلاف بالراتب وتثبيتك
ويمكن تتثبت في البنك خلال سنه اذا كونت علاقات كويسه مع مديرك المباشر او اذا اثبت وجود بس ماننكر
ان الواسطه لها دور
اما من ناحية الشفتات ماعندي خلفيه عن سامبا بالضبط بس البنك اللي اشتغل فيه موظفي الكول سنتر شفتات شهريه او تقدر تبدل مع احد اذا عندك ظرف على حد علمي
ااما بالنسبة للبونص والعلاوات اتوقع المزايا للتابعين لشركة الحلول الممتازة :
راتب شهري 3338 ريال سعودي ( لحاملي الثانويه وبدون الخبره)
تامين طبي
اجازة سنوية 30 يوم
7 ساعات عمل
اجازة يومين بالاسبوع
اجازات الاعياد ( الاضحى * الفطر )
اجازة اليوم الوطني
مكافاة شهرية تتراوح بين 1000 و 500 ريال
أنت اذا موظف في مكان ثاني لاتستقيل خذ لك اجازة شهر وجرب اذا عجبك كمل معهم والا ارجع لعملك السابق بس جرب قبل لاتوقع مع شركة الحلول عشان ماتدبس في شرطهم
بس ترا البنوك اذا انت شغيل بتثبت وجودك بسرعه وبعد يعتمد على علاقاتك
الله يوفقك للي فيه خير لك ..
|
بارك الله فيك على الرد ,
واتمنى توضيح النقطه المشار اليها باللون الاحمر في الاقتباس اذا ممكن ... وبالفعل يبدو أن الترسيم لا يكون إلا بعد انقضاء السنه ولكن الأهم هو الراتب وعدم اشتقاقه فقط بالنسبه إلي ... والكثير ممن اعرفهم ترسموا ماشاء الله بعد الالتزام والصبر وأيضا السمعه الطيبه والعلاقات الجيده مع البنك ...
تحياتي