اقتباس: المشاركة الأصلية كتبت بواسطة خراب المجتمع السلام عليكم ورحمة الله رحت اليوم الاحدالى مقر جامعة الامام بالرياض الصالة الرياضية بوابة رقم 2 وبكتب الي صار على شكل ملاحظات : 1- ملاحظات على خراب المجتمع : * ماجاب قلم *ما افطر زين * وصل الساعه 15 :9 وطلع الساعه 45 : 9 * جاب معه صورتين لكل شهاده ودورة وخبره * جاب معه الاصول والهوية * دخل بسيارته للجامعه لحد مواقف الصالة الرياضية فيه لوحات تبين المكان 2- ملاحظات على اللجنة : * التنظيم رائع جدا وبارقام ولافيه طابور وتوقف وتتعب * المويه بفلوس *قبل ماتدخل فيه لوحه مكتوب عليها الشروط * يقبلون العاطلين والموظفين الرسمين والبند * تدخل تلقى الاستقبال على اليسار يعطيك 3 اوراق تعبيها * تعبي الاوراق وللمره الثانيه اقولكم جيبو اقلام * تدخل للصاله الرياضيه وقبل لاتدخل يتاكد السكيورتي ان مكمل البيانات بسرعه بدون تدقيق ويعطيك رقم ويقول اقعد لين تسمع رقمك ونصيحة لاتكتب الوظيفه المقدم عليها الا عند الموظف الاخير لانه معه كشف بالوظائف المتاحه وهي نفسها بالموقع بس راح يساعدك بالقرار * ينادي رقمك او مجموعه معك تدخل لصاله متوسطه بين اللجنه والمدرجات وقدمها حمام لو انزنقت * تدخل على اللجنه مكونه من 20 موظف يعني كل دقيقتين تقريبا يخلصون مابين 20-30 متقدم * يطلب منك الموظف اوراقك ويدققها ويتأكد ان البيانات كاملة وياخذ الصور وبالنسبة لي ماطلب الاصول * يطلب منك تحديد 3 مدن و3 وزارات ترغب العمل بها انا هنا سألته انتم من موظفي وزارة الخدمه المدنيه ؟ قال لا بس الاوراق بتروح كلها للوزارة عاد مادري ماهم صانعون بنا * يدبس اوراق مع بعض ويقولك رح دور اهلك وهذا موعد للمراجعه ورقة صغيرة وتابع الموقع الالكتروني المسجل فيها * اخر موعد للتقديم الاربعاء القادم ودوامهم من 8 -12 موفقيييييييييين تسلم والله يعطيك العافية طيب بسألك عن شهادة الحاسب لازم في وظائف المرتبة الثالثة والرابعة وهل كانوا يردون احد عشان مامعه شهادة الحاسب