[align=center]
اقتباس:
المشاركة الأصلية كتبت بواسطة مجروح الزمن
ياليت توضح اخي الغالي حتى يستفيد الجميع اذا ماعليك امر
|
استضافة وتصميم ودعم فني ودعاية وإعلان
دراسات جدوى للمشاريع الالكترونية ..
ومتابعة سير تنفيذ المشروع ..
طبعاً شغال في الموضوع من سنوات ..
وعندي ثلاثة موظفين رسميين وخمسة متعاونين "عمولة"
الشغلة ممتعة .. ولا تحتاج إلى تفرغ كامل "في هذي الحالة تحتاج لموظفين"
البدايات كانت خجولة .. بحوالي 1000 ريال .. ودخولي لهذا المجال للتسلية ولتضيع الوقت ..
والحمدلله الله عز وجل رزقني .. من الهواية الي احبها ..
اعطيك مثال بسيط ..عن الفكرة بصورة عامة خاصة في مجال الاستضافة لأنك ممكن تتنبأ بأرباحها بعكس النشاطات الثانية ..
ريسلر مساحة 50 غيغا
ايجار الريسلر شهرياً .. 150 ريال
دومين تكلفة سنوية .. 50 ريال
سكربت للموقع ترخيصه بحدود 1000 ريال
تصميم للموقع بحدود 900 ريال ..
يعني المشروع يحتاج إلى مبلغ 2100 فقط ..
وتقدر تخفض المبلغ .. اذا استغنيت عن ترخيص السكربت
- 1000 ريال
استغنيت عن تصميم خاص فيك
- 900 ريال
في الحالة هذي .. بتحتاج لتأسيس المشروع
ريسلر = 150 ريال
دومين = 50 ريال
تركيب سكربت = 150 ريال
اجمالي 350 ريال يعني ممكن تبداء مشروعك بـ350 ريال
مع الأخذ في الحسبان مبلغ شهري ايجار الريسلر = 150 ريال
دومين سنوياً = 50 ريال
نجي للأرباح ..
عندك 50 غيغا بمبلغ 150 ريال = 150/50 = 3 ريال تكلفة الغيغا الواحد عليك
نشيل منهم 1 غيغا لموقع شركة الاستضافة الخاص فيك
يبغى معنى 49 غيغا ..
خلينا نوزعهم مثلاُ على 49 خطة كل خطة 1 غيغا ..
اسعار الخطط 1 غيغا حسب الشركات الثانية متوسطها .. 120 ريال سنوياً يعني سعر يعني سعر الغيغا عندك بـ10 ريال ..
طبعاً نقص من الـ120 ريال قيمة الدومين 120 - 50 = 70 ريال نخصم منهم قيمة الغيغا 3*12= 36
ربح صافي في الغيغا الواحد 34 ريال وفي حالة ان الله وفقك وقدرت تأجر كل الـ49 غيغا .. بيكون ربحك الصافي = 1666 ريال سنوياً من ريسلر واحد فقط ومن خطط صغيرة ..
عندك الشق الثاني من الأرباح .. الدعم الفني
تركيب منتديات تركيب استايلات سكربتات أرشفة ..........الخ
اذا كان ما عندك خبرة ما هي مشكلة ..
عندك طريقتين يا اما انك تتعاقد مع شركة وتاخذ خدمات الدعم الفني الي عندهم وتعرضها عندك ..ووضع هامش ربحي أو توضف شخص يقوم بالعمل .. رواتبهم تتراوح من 350 ريال إلى 1000 ريال تقريباً وتعطيه عمولة بسيطة ما تتجاوز 5% ..
مثلاُ تركيب منتدى الشركة الي انت متعامل معها عارضة الخدمة بـ100 ريال .. انت تحط 120 ريال والعشرين ريال هي ربح .. وممكن تكلم الشركة يعملون تخفيض لك ..
والشق الثالث : التصميم
تتعاقد مع مصمم أو شركة .. لتقوم بالعمل عنك وتاخذ ربحك وانت مرتاح ..
والدعم الفني والتصميم دخلها أكبر من الاستضافة ولكن الاستضافة هي الخدمة الأساسية ..
إن شاء الله أكون أفدتك[/align]