[align=center]أخوي هل أنت تهوى الحاسب ؟
هل ممكن تطور نفسك بالحصول على دورات بعد الدبلوم وتحصل على شهادات عالمية ( سيسكو وميكروسوفت) علماً أن أسعارها من 2000 ريال وطالع ؟
هل لغتك الانقليزية كويسه ؟
أنا ما أحطمك بقدر ما أعلمك بالواقع لكثير من خريجي الدبلومات وبالتحديد تخصصات الشبكات والبرمجة والدعم الفني .
لان الدبلوم هو بوابة للحصول على وظيفة فقط وليست النهاية يعني حل مؤقت .
أنا أشوف أن تخصصات المحاسبة والادارة المالية أفضل سواء قطاع حكومي أو خاص لضرورة محاسب في كل جهة .
صح الحاسب الآلي حلو أنا أعرف خريجين من 1427 وتقدير ممتاز في الاختبار الشامل ماتوظفوا في الجهات الحكومية الا بنود فقط وبعضهم في قطاع خاص تترواح رواتبهم من 1500 ريال إلى 8200 ريال مع العلم أن أغلى راتب أستحقه شخص مايعرف يكتب أسمه في الورد لكن هذا رزق من الله وهبه له بعد الواسطه .
واذا كنت جازم بعد الاستخارة على دبلومات الحاسب أنصحك بأن تدخل كليات خدمة المجتمع في الجامعات الامام والملك سعود لان بامكانك بعدين تواصل وتاخذ بكالوريس لان الدبلوم يكون أكاديمي وليس تدريبي وهذا الفرق بينه وبين المعاهد الاهليه وفي الاخير كل المعاهد الاهليه اللي في السوق يحكمها شي واحد وهو الاختبار الشامل من المؤسسة العامة للتدريب التقني والمهني .
والله يوفقك ويرزقك ماتتمنى وأي سؤال أنا حاضر لك .[/align]