اقتباس:
المشاركة الأصلية كتبت بواسطة اسطورة
( إن أعجبك .. أدعوا لي ولوالدي ووالدتي في ظهر الغيب .. فأنا محتاج دعواتك )
|
الله يوفقك
ويخلي لك أبوك وأمك ويطول بأعمارهم يا رب
وصلني إيميل عن هالشركة بنفس هذا الشرح المفصل
أتذكر مرة في الشركة اللي كنت أشتغل فيها
جاتني وحدة من البنات وكلمتني عنها
وربي البنت تشرح وأنا مو فاهمة شي
طلبت منها ترجع تشرح لي من جديد
البنت نفسها مو عارفة تشرح يا جماعة !
هي بنفسها تقولي أنا مو عارفة كيف أشرح لك !
آخر شي قالت لي إنتي خشي معايا وراح تفهمي كل شي بعدين
ما خشيت لأنو جد ما اقتنعت
وأدفع مبلغ وقدره وآخر شي ما أضمن إني أربح ما أضمن أصلاً إنو في أحد راح يقتنع ويخش معايا !
جاتني المرة الثانية تقولي تبغي تخشي معايا ، وقلت لها إني مو مقتنعة
وقعدت تشرح لي وبرضو مو فاهمة
سألتها بأمانة إنتي فاهمة شي من اللي بتقوليه ؟ فاهمة ايش شغلة الشركة ذي بالزبط ؟ قالت لا للآن مو فاهمة إلا أشياء بسيطة
سرت أضحك وربي ، ههههههههههههههههههههههههههههههههه
يعني ما أدري كيف ضامنتها !
المشكلة إنها مسوقة ومجتهدة فيها ومعاها ناس كثير حسب ما تقول
بس ما شفت إنها حققت أي شي من أحلامها وأشوفها مكانك سر
وعلى قولتها أدخلي وراح تحققي كل أحلامك ههههههه الله أكبر
قرأت بعدين عنها في الإيميل ، وفهمت مزبوط ايش أغراضها
بغض النظر عن الفتاوى اللي طلعت عنها بغض النظر عن تجارب اللي خشوا فيها
ما اقتنعت بالمرررررررررررررررة
فيها شي غامض الله أعلم ايش هو ، وجد حسيتها نصب × نصب
خصوصاً طريقة الربح
وأنا وحدة بصراحة ما أعترف بالأرباح إلا بشي أنا أكرف عليه وأشتغل فيه بنفسي وقدام عيني
يعطيك العافية صاحب الموضوع