اقتباس:
المشاركة الأصلية كتبت بواسطة الاستاذ
السلام عليكم ورحمة الله وبركاته ..
الساكت عن الحق شيطان اخرس...
انا راح اروي لكم بالتفصيل ما حدث ,اقسم بالله العلي العظيم هذا ما حدث بالضبط ( واللي ما يشتري يتفرج ) .
طبعا أنا على وظيفة حكومية رسميه .. وبالاضافه لاني اعمل بالقطاع الخاص والحمد لله ربي رازقني احلى وظيفتين ..
الموضوع وما فيه بلغني اخوي ان فيه تقديم بمعهد الادارة العامه .. وبناءا عليه قررت اني اروح معه اشووف التقديم .. طلعنا سوااا وقدم بأول يوم تقديم التنظيم كان روعة جدا جدا وترتيب ولكن اخووي نسي بعض الاوراق وقلنا نرجع ونجي بكره نقدم ..
فكرت باليوم الثاني اضبط اوراقي واقدم معه .. قدمنا اليوم الثاني وانا شخصيا قدمت على وظيفة ( بدون ذكرها ) ..
طلعت النتائج المبدئية وطلع اسمي واسم اخوي ما طلع وهذي البداية .. سوينا اختبار وعديت الاختبار ( لكن مالذي حدث في الاختبار ) أقسم بالله العظيم وانا علي ما أقول شهيد دخلت القاعه دخل شخص متأخر للقاعه وسلم على الموظف المراقب وبدأنا الاختبار وانا اناظر بالشخص اللي دخل متأخر ويختبر معنا خلصنا الاختبار .. والاخ يناظر في الاختبار وفي الشاشه .... قلت اجلس لاخر الدقائق وجلست وباقي بس اثنين ما طلعوا من الاختبار وهالشخص معهم ... قلت اطلع وامري لله .. طلعت ومشيت البيت .. قبلها حاولت اعرف اسم الشخص لانه اخر وقع على الورقه .. وما قدرت اعرف ..
عدت الايام وطلعت النتائج .. وطلع اسمي معهم .. قلت يمكن المصداقيه في الاختبار اكيد موجوده والدليل اسمي طلع .. وجت المقابله الشخصيه .. وقابلت نفس الشخص اول ما دخلت قدامي جالس بصالة الانتظار ينتظر موعد مقابلته .. بلعت ريقي وقلت خيره .. وطول قعدته يكلم جوال وانا فوق وانا في المكان الفلاني وبلغ الرجال اني جيت ووووو ............. طلعت النتائج . وطلع الرجال هو الشخص الوحيد المقبووول في مجموعتنا .. وعرفت اسمه عن طريق الموظف اللي كان ينادينا للدخول للمقابلة ..... اقسم بالله هذا اللي حدث امامي ... ولتأكيد كلامي ان المعهد واسطات وعديمي الضمير ومتلاعبين .. اليكم الخبر المفاجأه .............
ابحثوا عن اسم مدير معهد الادارة العامة ...
وطابقوا هذا الاسم مع اسمه للتأكدوا من مصداقية حديثي ..
اعتمد مدير عام معهد الإدارة العامة الدكتور عبدالرحمن بن عبدالله الشقاوي نتيجة المسابقة الوظيفية بالمعهد التي أعلن عنها في 21/7/1431 ....
الوظيفة : كاتب م5
1- عبدالمجيد محمد عبدالعزيز الحسين - ناجح.
2- وليد محمد فائز الشهري - ناجح.
3- أحمد عبدالعزيز عبدالله الحميد - ناجح.
4- خالد زيد عبدالله الشقاوي - ناجح.
5- طارق محمد حسن الفيفي - ناجح.
... والعهده على الراوي أنه ابن اخ مدير المعهد ....
واذا لم يكن كذلك بالتأكيد يحمل الاسم الاخير ...
ويا بلادي وااااااااصلي ................
|
السلام عليكم ورحمة الله
شكرا اخوي الاستاذ نحتاج لمثل هذه المشاركات كثيرا
اقترح عليك نشر هذه المشاركه نصااااا في منتدى الفساد والجريمة في هذا الموقع
واطلب من جميع الاعضاء نشرها في جميع المنتديات
تذكرون فضيحة وزارة الخدمة المدنية الماضيه كان لها صدى كبير
لانها جريمة وفساد يجب ان يطلع عليه الجميع
وانا بدوري نشرتها بكذا منتدى خارج الموقع
لعلها تصل لاذن صاغيه
<< جوليان اسانج 