اذا بتستمر على تفكيرك عمرك ماراح تتقدم وراح تضل مكانك سر وراح نجي في 2015
وانت في نفس الموضوع ومشكلتك ما انحلت - الا اذا شاء الله -

مع احترامي التفكير هذا تفكير قاصر وتفكير العقول الصغيرة ، طيب الواسطات هذولي كيف صاروا واسطات؟ برضه بالواسطة ؟ كلهم بالواسطة؟ طيب واسطاتهم كيف صاروا واسطات؟ برضو واسطة؟

شيل من بالك فكرة الواسطة وانت راح تحقق اللي براسك ، لكن مادام هالفكرة معششه براسك ماراح تخطو اي خطوة للأمام ..

ناس كثير اعرفهم لاواسطات ولاشيء والله توظفوا بدون اي واسطة والآن هم واسطات .
كيف؟ بعقلياتهم وبعد توفيق الله طبعا عملهم وعلاقاتهم ..

انت بنفسك تقدر تصير واسطة ، بدون اي واسطة .. هذي لازم تحطها في بالك

صدقني اذا بتقعد تصر على الواسطة ماراح تجيك وراح تعيش طول عمرك تتمنى ..

لو كل واحد اعتمد على غيره واعتمد على الواسطة ماكان شفت الخلق من صباح الله طايرين بالعجة وكلن يشوف رزقه ويتسابقون على اعمالهم ..

تعبنا من كلمة واسطة اللي ماعمركم فرقتوا بين الواسطة وبين المعرفة تعيشون في غباء عاطفي ليس له اي اساس