اقتباس:
المشاركة الأصلية كتبت بواسطة بانة
بخصوص مؤسسة تكافل لحياة أفضل :
أنا تراسلت مع الأخت سير أول أمس وأخذت معلومات لا بأس بها
بس برضه في غموض في الموضوع والشغل مو واضح بالضبط
وبعد بحثي في النت طوال يومين ..وجدت الناس يا يمدحوا يا يسبوا !!
ولما جلست أقرأ عن المؤسسة جلست أحلل الكلام مضبوط
وسطر سطر حسب مافهمت انه لازم تسوقي وتجيبي موظفات
ولا ماراح تربحي أو تتوظفي وهذا قصدهم على كلمة
انتي وشطارتك لازم تربحي من ورا كل وحدة ..
عشان كده يقولوا لك قولي احنا من طرف فلانة عشان تزيد نقاطها
وكمان لقيت ناس كثيرة مسجلة بالمنتديات بس عشان تعلن !!
قولي أنا من طرف البتول ..ولاتجيبي سيرة المنتدى !! قولي أنا من طرف ...الخ
ومشاركاتهم ماتتعدى الخمسة ..وبعضهم مشاركة واحدة
أنا ما ألومهم هذا شغلهم ..لكن المفروض يتم توضيح هذا الشيء
أنا راح ادفع 2000 وعشان استردها واتوظف لازم أعلن
طيب أنا اعلنت وما جوا عن طرفي كثير ساعتها أنا ايش راح اسوي
يقولوا لي ما اثبتي جدارتك ..مع السلامة  !!
يعني الوضع مو مستقر وفي مجازفة بالنسبة للبعض
كمان المؤسسات الراعية راح تربح ويرتفع سهمها بالقوة الشرائية
وأنا مو محللة اقتصادية وما أفهم مرة في هذه ألأمور
بس متأكدة انه في شيء خلف هالموضوع باللنسبة للشركات الراعية
هذا اللي عندي وحبيت اوضحه للكل ..في ناس يناسبها هذا الشغل
وفي ناس لأ ..واعذورني ..
|
انا كمان بحثت وحسيت الوضع مو مطمن وفيه صعوبه
انتبهو يابنات لا تنخدعون بسهوله
مشكوره اختي بانة جزاك الله الف خير
والدورات الا أعلن عنها ممكن نحصل عليها بمبلغ أقل من المكتوب