بسم الله الرحمن الرحيم
ألمٌ وجور وحرمانٌ مستديم كتبتها قصيدةً تضخ المعاني من جوف قلبي مسنداً عليها إسمي لعدم سرقتها او تياهنها في المواقع كإخوتها السابقات
الكاتب / محمد الشريفي
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البداية شيء مؤسف عندما جيت أبتغيه=شيء ما حضنى مكانه هيه لو نركض وراه
كل يوم أقول بأن الصبح ذا صبحاً وجيه=ياعسى الله عبد مخلص لك يحقق مبتغاه
ويوم أطلع للمكان اللي أرح له منتقيه=أشوف زحمة ناس واجد ما بتحصيها رواه
وأمسك الزحمة وملفي في يديني ويش فيه=الشهادة والمعدل ضاع والله من جناه
ويوم تسمح لي فرصة عند موقف محتريه=يطلع بوجهي مغفل والملف عنده وجاه
ثم يقول ندق باكر ما يبي أحدٍ يجيه=إلا إذا دقوا يجونه ناس قد جت له بجاه
ياويش حيلة من زمانه ياإلاهي ما يبيه=استغفر الله مؤمنٍ بك دوم وأزيد الصلاه
يالله إنك تسمع الداعي وهو رافع يديه=يالله تحقق طموح العبد وأيضا ما يباه
كيف أحقق لي طموح كيف يالله أبتديه=والظلم جاير علينا منفتح باب الطغاه
يالله الطاغي بقبره دايم تضيّق عليه=وأيضاً بدنياه ربي ما يتهنّى في هواه
دعوة المظلوم ربي جات لك دعوة عليه=استجيب بقدرتك يالله تيّهُم متاه
إن فتحت الباب صكوا أمر وأضحوا مُنتهيه=وإن قفلت الباب يبكوا يصرخوا آهٍ وآه
قفلوا بوجهي جميعاً باب آه وباب إيه=الأمن وإلا المباحث والمظالم والدعاه
كل واحد عند ربي منهّم أبشتكيه=والحرس والجامعة هَم قلبي ما قواه
والتقنيه حتى تراهم ماقبلوني ليه ليه=وجامعة فيصل معاهم هم في عيني تراه
ومعهد إدارة وكذبة شايعة ممن يليه=واحدٍ ما يعرف الموقع قبوله فيه جاه
أقول كيف يقول عمه جاب له دفتر وفيه=وش تبي أيّت تخصص مفصلٍ به محتواه
وسعود برضوا ما قبلوني عميدهم جداً سفيه=ما يبي مثلي معاهم يقول ذا وشو بلاه
والأحساء فيها سكنت ومثبّتٍ بما أدعيه=الدوائر كلها شيعة ولا يقيموا الصلاه
لو تقدّم بتضجّر كل كرسي يعتليه=كرديٍ ما هو بيعرف السعودي وش هواه
يوم قابلني يقلي الإمامه جاه جيه=الحسين ابن العلي ما درا منهو معاه
قلت له أنا شريفي قام بطنه يصطليه=قال برى قلت هذا من يبي ألعن ثواه
قلت أسافر ديرة أجدادي والاقي لي وجيه=رحت في جازان وألقاهم كما كانوا رعاه
واللي يبي منهم وظيفة رأس ماله ما يبيه=باع ما عنده وسافر هاجر المنزل نساه
قلت داري العاصمة أروح والله وش عليه=أتسلف من أبويه سجل بدفتر وفاه
وما لقيت إلين وقتي رجل لو قالوا نزيه =كل واحد ما يبي ياكود يمشي في هواه
تهت ياربي وقلت القاف وأصلي عليه=عدما أذن مؤذن في المساجد للصلاه
النبي المصطفى اللي قرأ القرآن فيه=الخلق وأيضا الكرم والأمانه والنجاه
[/poem]
وسلامتكم / محمد الشريفي