[align=center]
الله يوفق الجميع

ياشباب احنا خلصنا الكشف الطبي ولله الحمد يوم الاحد الماضي 20 /1/ 1432 ....... وننتظر النتيجه الطيبه

تساهيل والله ياشباب لا احد يفكر او يوسوس ترى الدعوه بس يبيلها صبر والباقي تساهيل

وانا ثالث مره اسوي كشف طبي . وكلها نفس الطريقه ماغيرو شيء


أول ما تدخلون المستوصف بعد ماتجون من التجنيد على الباصات (( الله يعينكم عليهم بس ))

يوزعونكم مجموعات يمكن عشر مجموعات يمكن كل مجموعه 17 او اكثر طالب

بعدين على الطول والوزن (( انت تسمعه يقول طولك ووزنك )) ولايدققون إذا انت ما تصلح للطول يمشونك ويزودن لك . صدقوني كذالك الوزن بعد يعني مايدققون فيها مثل الامن ولا القطاعات الثانيه

بعدين على عياده الاشاعه . وهاذي طبيعيه إشاعه صدريه كامله (( سهله جداا )

بعدين على تحليل البول وانتم بكرامه (( مخدرات تحليلها فقط ))


بعدين على عياده الاعضاء وهاذي يدخلكم انت يالمجموعه كلكم وبسيطه يشوفون سويت عمليه اولا وكذالك البعج وتعرفون كشفكم . ولا يدققون بعد (( هذا اللي لاحظته ))

بعدين على تحليل الدم ( وهاذا كل تركيزهم عليه ) الله يعين بس حنا مشكلتنا انزيمات الكبد بس إن شاءالله هالمره النتيجه طيبه .

بعدين على عياده التنفس والربو وهاذي طبيعيه (( مايدقق لانه سريع ))

بعدين على عياده الانف والاذن وهاذي ابسطها كلها يكشف على الانف والاذن ويتكلم بصوت بسيط ( تسمعه على طول بس ركز ) ويقول اسمك ومن وين فقط وعلى السريع بعد

بعدين على عياده الاسنان وهاذي بسرعه يناظر في مقدمه اسنانك ويقولك روح ( سهله )

بعدين على عياده دكتور النفسيه وهذا الدكتور حق نفسيه يعني يسئلك اسئله مثل شرب الماء ( كنك تسولف معه )

بعدين على عياده النظر وهاذي بسيطه ولا يدقق نهائي وانت داخل عليه يشوف انت مركب عدسات لاصقه اولا بعدين يجيبلك حقت الالوان واضحه جدا وبعدين على اللوحه المعلقه على الجدار وكلها حرف E ويمين ويسار وفوق وتحت بس (( واضحه وترى مو ورقه فيها إضائه من الداخل ))


[/align]