حبيباتي.. عالم الصغار أبدا مو كذابين ولكن عندهم كذا رقم وصحيح مايردون بسرعة
طريقة اختيارهم للطام التعليمي صعبة شويتين ..
ممكن يطلبون 20 وحده لنفس التخصص ويسوون غربلة بالورقة الأولى اللي تحتوي على أسئلة تربوية..يعني
-- إذا تعدت عليك طالبة أثناء الدرس كيف ممكن تتعاملين معها؟
-- الطالبة الكسولة كيف تتعاملين معاها؟
-- ماهو رأيك في طريقة التدريس الحالية للمادة الفلانية ( نفس تخصصك )؟
-- ضعي خطتك لطريقة تدريس ( ..... ) ، وايش التطوير اللي ممكن تدخلينه؟؟

وبعدين ممكن يختارون من ال 20 ( 10 أو 15 أقل أو أكثر ) حسب الاجابات واللي يناسب وجهة نظر مديرة المدرسة...
واللي تعدي تختبر الاختبار التخصصي وتعمل المقابلة وعلى أساسها يختارون المعلمة المطلوبة..
امممممم اللي تخصصها زي تخصصي التربية الفنية يكون اختبارنا عملي أهم شيئ عندهم رسم الطبيعة الصامتة لأنها هي اللي تحدد مقدرتك من عدمها..
وماعندهم شي اسمه مدرسة فنية اللي تعمل عندهم فنانة تشكيلية ^^

صدقا المدرسة حماس جاتني فيها كذا فرصة بس سبحان الله كل مرة تصير عندي ظروف في البيت وما اقدر احضر الاختبار العملي ^^

طريقة التعليم عندهم زي الجامعة قسم لكل مادة مثلا قسم الفيزياء تشمل قاعة الدرس و مختبر وغرفة معلمات
وكذا والطالبات يتنقلون من قاعة لقاعة مو فصل واحد هذا غير الملاعب و و و

موقع المدرسة بالضبط
حي الروضة تقاطع طريق المدينة مع شارع الروضة - غرب الكوبري المربع - بعد ماتنزلون من الكوبري أول لفة يمين تطولون شويتين يجي دوار صغير وسط الحي برضه تطولون تلقون المدرسة على يدكم اليمين..

واللي تجي من الشمال للجنوب تعدي صاري و تلقى كوبري المشاة الخشب عند مستوصف يحيى الطبي من عنده تدخل على شارع الكيال يمين - تلقى الدوار تدخل يمين وتلقى المدرسة

ترى حافظة عنوانها لأنها جنب بيتنا ^^