اقتباس:
المشاركة الأصلية كتبت بواسطة فراشه ملونه
ليش انتو شعب ضد بلدكم
وربي انقهر منكم مهما صار هذي بلدنا والي كاتبه الله بيصير
تدرون لو انا رجال مهما جارت علي الدنيا والظروف والبلد مارح اوقف مكتوف الايدي
اتحسر
لا والله بقوم اكرف واشتغل انا شاب يعني بقوتي وصحتي وش فيها اذا اشتغلت شغله ب 2000 مؤقتا
او 3000 الاف
وش فيها لوفكرت بمشروع صغير ابدا فيه ان شاءالله اكد على سيارتي
والله ان عندي سواق سعودي ماشاءالله عليه انا لحالي ياخذ مني شهريا مايقارب ال 800 ريال
مشاوير متفرقه يعني لاملتزمه بوظيفه ولادوام بس اسواق وزيارات وطواريء
ياخي انظر لنفسك لاتنظر لاي ظرف حولك انسى الظروف انسى البلد انسى المسؤلين انسى كل شي
وركز على نفسك اجتهد وربي مايضيع تعب الانسان ربي شايفك ومقدر تعبك وبسعى معاك ووعد الله حق
اما اني اجلس اندب حي واقول بلد ظالمه ومسؤلين ظالمين وعندنا بترول وعندنا خير وليش مايعطوني وليش مايعملولي هذا ابد مو منطق ولا حل بل دوران في حلقه مفرغه ومابيدوخ الا انت
لكن قوم انفض عنك غبار اليأس والتخاذل وشمر عن ساعدك وشوف وش كبره
وش كبر صحتك وقوتك انت مازلت شاب تقدر تسوي المستحيل بالاستعانه بالله وحده
مش المقاطعه الي حتجيبلك الرزق
ولا الشعارات والحملات
بالعكس انت قاعد تضيع وقت قاعد تعزز السلبيات داخلك
قاعد تتشرب فكرة المغلوب على امره
انصحك قوم صل ركعتين واسعى في الارض صدقني عندك مدخل للرزق بس انت مو شايفه بسبب النظاره السوداء الي لابسها
|
اختي انتي الي ضد المواطن انه يعيش براحه
امثالك هم سبب العطاله والفقر حتى يتشمتو في نسانا ورجالنا وجعلهم خدم وسوويق عندهم ويرمون لهم رواتب لا تسمن ولا تغني من جوع
وامثالك مانبي رايهم حنا هنا هدفنا واضح السعي للحصول على وظائف للعاطلين ورواتب تفتح البيوت وتستر ابنانا وتغنيهم عن الحاجه
وانصحك تعوذ من ابليس وخل عنك الحقد على العاطلين والفقراء والوقوف في وجوههم حتى مايكونو احسن منك 
وياليت تشيلين نظارة الحقد الي انتي لابستها حتى تشوفين زين وضع الشعب
وعلى فكره اشكالك لا يهموننا ولا يؤخذ برايهم الحاقد